Page 19 - AHATA

12 DEPORTE AWEMainta Diaranson, 27 September 2023

Gran prospecto Dominicano a firma cu

Boston pa motibo di Xander Bogaerts

u nomber ta Yoeilin Cespedes y dia 8 di September ultimo,

Sel a cumpli 18 aña pero e siman aki el a ricibi e premio di e
miho talento di e programa di Latino America di e organisacion di
Red Sox, cu ta e premio “Red Sox Latin Program Position Player

of the Year.”
E hoben Cespedes a pasa e temporada di 2023 den e Summer
League di Republica Dominicana caminda el a mustra un poder
inmenso na plato, logrando un averahe di .346,un porcentahe di
slugging di .560 conectando seis home run, cu 15 doblete, cuater

tripel, anotando 37 careda y a empuha un total di 38 careda den
46 wega cu el a hunga.
Despues di e temporada e siman aki e organisacion a anuncia

e miho prospecto nan di Boston Red Sox y a mustra cu Yoeilin
Cespedes ta un di e miho talentonan cu e ekipo aki a produci na
Republica Dominicana despues di e tercera base Rafael Devers.
E hoben ta wordo compara cu Devers y el a mustra cu e ta sinti su
mes honra di por wordo compara cu su compatriota loke ta algo

super special pa su persona.
Sinembargo den un entrevista e siman aki na momento di ricibi
su premio, Cespedes a señala cu su gran idolo den baseball, ta e

short stop Arubiano, Xander Bogaerts mustrando cu el a firma cu
e organisacion di Boston pa motibo di presencia di Xander den

e organisacion. El a hasta admiti cu e ta trata di copia e forma
di hunga y di bati di Xander loke a pone cu na luna di Januari
di e aña aki, el a firma un contract di $1.4 miyon cu e organ-
isacion di Red Sox. “Mi ta gsta con Bogaerts ta hunga baseball.
E ta pone tur cos mustra facil. Semper cu wak su wega, Xander

ta mustra sumamente trankil, totalmente concentra y mi kier
sigui su ehempel y bira mes grandi cu e tambe a bira,” e hoben
Dominicano a declara.

Cespedes ta conoci pa su forma agresivo na plato y e tin hopi
contacto cu e bala y semper e ta bal e bala duro, cu hopi forsa y
segun scouts di e ekipo, e tin cu calma un tiki ora cu ta na plato y
drecha cu concentracion un tiki mas. Mescos cu Xander e hoben

talento aki ta bati pa tur parti di e stadion y por adapta su mes
na cualkier tipo di pitcheo pero e tin apenas 18 aña y en realidad
e tin mesun edad tempo cu Xander a inicia den e organisacion.

Na mes momento cu Cespedes a firma cu e organisacion di Red
Sox, e short stop di Aruba a firma como agente liber cu e ekipo di
San Diego Padres.