Page 18 - AM230810

18 AWEMainta Diahuebs, 10 Augustus 2023

Fortaleza pa Famia

Den nomber di Cristo Hesus nos ta reprende tur spirito di malesa

DEN e buki di Lucas capitulo 13:10-17 ta para skirbi con Hesus a reconoce un spirito di malesa cu tabatin riba un muhe

y pa e motibo ey pa diesocho aña largo e tabata cana dobla y di ningun manera por a stret su curpa.

! Un hende por puntra si spirito di malesa ta existi? Si di berdad e ta existi, y e por haci hopi daño na curpa y mente di
hende.

! Con un spirito di malesa ta yega na bida di un hende? E ta un hecho diabolico pasobra Hesus ta bisa cu satanas tabatin
e muhe aki mara pa diesocho aña largo.

! Spirito di malesa por drenta hende su bida na prome luga door di pica, pasobra pica ta atrae malesa.
Tambe door di rebeldia y desobediencia na Dios, door di metemento cu bruheria y tur otro arte diabolico y idolatria, tambe
e famoso meditacion diabolico cu ta bay rond, y tambe falta di pordon por atrae spirito di malesa riba hende.

Ora hende no ta haya ta necesario pa reconoce Dios (Romanonan 1:28-32) spirito di malesa por alcansa nan bida.

Spirito di malesa no ta wordo reconoci si no ta pa medio di disernimiento duna pa Dios, ningun mashin den hospital,
tampoco test medico no por detecta spirito di malesa.

Pero ora nos tur tin relacion cu Dios, y nos tin Cristo Hesus como doño y Señor di nos bida, nos por dobla nos rudia y
acerca e trono di gracia di Dios y pidi Señor tene misericordia pa revela na nos kico por ta e malesa, dolor, problema,
habito cu e persona por tin, y tuma nos autoridad den Cristo Hesus y reprende e malesa.

P’esey nos ta recomenda tur hende pa entrega nan bida na Cristo Hesus, biba den Su boluntad, y asina evita di pasa den e
tipo di enfermedadnan aki, pasobra ta para skirbi den Mateo 8:17 cu E mes a tuma nos enfermedadnan riba dje y a carga
nos malesanan.

Y esaki ta nos garantia cu den Su nomber nos por wordo libera.

Nos lucha no ta contra carni y sanger (Efesionan 6:12) y Dios por yuda nos cu e asunto di salud mental, pasobra Dios sa
exactamente kico ta pasa den mente y curason di hende, pasobra nos tur ta mirando cu situacion ta empeora y cu nos

mester di Dios, no lubida den Jeremias 32:27 ta para skirbi: Mira Ami ta Señor, e Dios di tur carni: acaso tin algo cu ta
mucho dificil pa Mi.

Mas desobediencia y maldad ta drenta mundo, mas spirito di malesa lo manifesta, pasobra hende ta aparta for di Dios cay

for di Fe y bay tras di doctrinanan di demoño, pasobra e Spirito di Dios ta bisa claramente cu esaki lo sosode den ultimo
temponan (1 Timoteo 4:1)

Tur malesa cu hende ta yama incurabel, ta curabel pa Señor pasobra pa Cristo Hesus no ta existi malesa incurabel, ta nos

como hende mester tin fe y E mes a duna nos autoridad pa reprende tur malesa y demoño den Su nomber.

Tur cos ta cuminsa cu nos bida di oracion, nos dedicacion, nos Fe y nos disponibilidad pa sirbi Señor. Si nos tin duda den
nos curason ta bira imposibel pa Dios por uza nos, pasobra sin Fe ta imposibel pa agrada Dios.

Mas atento nos ta na Dios, mas confiansa nos haya den Su autoridad y poder, pasobra ora nos Reconoce, Confia y Balora
Su nomber, milagronan grandi lo sosode y e diabel lo huy bay.

Sinceramente, Pastor Marcel Balootje