Page 8 - AM201013

8 AWEMainta Diamars, 13 October 2020

Robert Candelaria (AVP):

Fechanan conmemorativo pa husticia a pasa bay sin mas

ALGUN celebracion di dianan tradicional pa mustra aprecio
y honor pa trabounan desplega den husticia, a pasa e biaha

aki casi pa olvido.

Parlamentario Robert Candelaria ta lamenta e hecho aki y ta
apela na gobernantenan pa duna merito y atencion n’esnan cu

ta brinda servicio y añanan di dedicacion na nos pais.

A tuma nota cu fechanan di importancia manera Korpsdag di

Cuerpo Policial Aruba, siman di Bombero como tambe fecha
di Cuidadornan di Preso a pasa “bou luz di bela” y ta duna in-

dicacion cu husticia completo ta manera yiu sin mama.
Aunke nos pais, mescos cu mundo completo, ta pasando den

momentonan dificil na man di un pandemia y cu medidanan
riguroso pa locual ta trata organisa eventonan publico cu

yen di hende, tog mester corda cu dianan di importancia

manera esakinan no por laga pasa bay sin mas.

Robert Candelaria di su banda ta comparti cu fechanan recor-

datorio ta importante p’e empleado, e cuerpo cu nan ta repre-

senta y e comunidad en general cu ta tuma fechanan asina aki
pa uni n’e dedicatorio y gradici tur esnan cu ta pone nan bida

na peliger y sirbi nan pais cu alma y curpa.

Contrario n’e Gobierno aki cu ta mustra un desinteres total

na tur cu ta brinda servicio n’e pueblo, e ta di pensamento cu
fechanan asina ta momento pa uni e pueblo y aunke ta na un

manera diferente, tog mustra aprecio y gratitud p’e trabou
desplega. Mas ainda den un tempo di crisis cu nos t’aden.

Na cada un cu ta brinda nos e seguridad, e servicio y proteccion,
pabien riba cada fecha conmemorativo y danki pa bo dedicacion.