Page 9 - AM211006

Diaranson, 06 October 2021 AWEMainta.com 9

Payroll Pro HRM ta lansa su mobile app nobo!

Payroll Pro HRM, e programa di payroll y HRM
desaroya dor di compania local Gamma IT
Solutions, ta haci e lansamento oficial di nan app
nobo!
E team di Gamma IT Solutions a organisa un dushi
desayuno pa su clientenan na Bonaire and Curacao
pa introduci y mustra nan e app.

E clientenan na Bonaire a disfruta di un desayuno
na e reconoci Divi Flamingo Beach Resort & Casino,
unda ademas nan a ricibi un presentacion unda a
trece dilanti tur e funcionalidadnan di e app.

Pa clientenan na Curacao a organisa un desayuno
na Avila Beach Resort, unda tur cliente por a
disfruta den e espacioso y elegante sala La Belle
Alliance di un dushi desayuno y un presentacion
hopi informativo.
P’e team di Gamma IT Solutions, tabata un placer
pa por ta anfitrion di e dos eventonan aki y pa
presenta na tur cliente e mobile app nobo.
Gamma IT Solutions ta gradici Divi Flamingo
Beach Hotel & Casino na Bonaire y Avila Beach
Resort na Curacao pa e tremendo servicio cu nan a
brinda durante e eventonan aki.

Payroll Pro HRM semper ta trece inovacion pa
su clientenan y den e pensamento aki a dicidi pa
facilita su clientenan y tur usuario di Payroll Pro
HRM dor di pone tur nan informacion personal
den nan plant’i man.

Ususarionan di Payroll Pro HRM por download
e Payroll Pro HRM mobile app for di e Google
Playstore of for di e Apple Store y instala esaki riba
nan telefon. E mobile app ta completamente gratis
pa tur usuario di e modulo di HR di Payroll Pro
HRM!
Cada usuario ta ricibi un QR code for di nan
departamento di HR cu ta unico y confidencial pa
cada usuario unda e lo por tin aceso unicamente
na su informacion personal.

Via e Payroll Pro HRM mobile app usuarionan
por download nan pay slips y wage tax cards cu
solamente un click riba nan telefon of tablet.
Ademas, por haci aanvraag di vakantie, notifica
un ao of registra overtime via e app. Tambe tin e
opcion pa por contact e departamento di HR of
tin un overview di tur e informacion personal di e
persona.

Cu e app nobo aki Payroll Pro HRM ta sigi
inova y yuda alivia un poco e trabou grandi di
e departamentonan di payroll y HR den cada
compania. Sin laga afo cu e ta yuda empleadonan
tin control riba nan propio informacion 24 ora, 7
dia pa siman via nan telefon of tablet.

Brachelo Regina di Gamma IT Solutions ta
comenta: “Pa nos di Gamma IT Solutions ta un
honor pa por trece e mobile app di Payroll Pro
HRM pa nos clientenan. Nos tin hopi cliente cu ta
cu nos for di tempo cu Payroll Pro HRM a cuminsa
y nos ta contento di por keda trece inovacion y
uza tecnologia den un manera cu ta yuda tur nos
clientenan.”

Teiry Croes ta comparti: “Nos ta satisfecho di por
a wak hopi cliente contento ora cu nos a presenta
nan cu e mobile app. Nos clientenan semper tabata
y ainda ta nos motivacion pa keda mehora nos
software.”