Page 24 - Min Paul Croes AUG 20th,2015

AWEMainta Diahuebs, 20 Augustus 2015 21

Hyatt Regency Aruba celebrando 25 aña di aniversario

Durante e 25
añanan, Hyatt a
sa di balora su
empleadonan

HYATT Regency Aruba e aña aki lo cumpli 25 aña cu el a habri porta

y duna oportunidad n’esnan cu a dicidi di join e team di Hyatt for di
comienso. No ta sorprendente, cu un compania renombra, reconoci y
stabiel, ta celebra no solamente su 25 aniversario, pero tambe cu un
gran cantidad di esnan cu a join e team for di principio.
Durante añanan, Hyatt Regency Aruba a conoce hopi hende cu a
cuminsa, a bay, a bin bek, serca dje. Esaki no ta algo sorprendente
despues cu bo papia cu hendenan cu ta traha n’e hotel aki.
No ta hopi compania por bisa cu nan ta duna oportunidad na nan
empleadonan pa sigi crece y sigi haya oportunidadnan p’asina enrikece
e servicio di Hyatt, pero tambe enrikece nan propio bida.
Awe Hyatt Regency Aruba ta conta cu mas di 40 empleado cu a
cuminsa cu Hyatt for di e prome dia. 25 Aña no ta algo facil, pero cu
e determinacion personal, y un compania cu ta dunabo e aporte y
aprecio, esaki sigur ta un logro cu no por bay sin expresa un gratitud.
E asociadonan di Hyatt Regency Aruba ta relata cu for di comienso e
experiencia tabata algo unico, manera Wendy Montero ta conta: “Mi
a caba di studia hopi jong, y mi a bay haci entrevista y nan a tumami.
Manera cu mi a haci mi prome entrevista mi tabata sa caba cu lo mi bay
gusta, pasobra e tabata un entrevista hopi bunita cu sra. Janet Plank.”
Sr. Ramiro Anthony, cu ya tabatin 15 aña trahando pa un otro compania,
for di su prome dia a dicidi cu e tambe lo keda te na final cu Hyatt.
“Hopi hende kier ta na Hyatt y pami e ta un previlegio di por ta parti
di e famia aki. Nos ta conoce hopi hende y nos ta forma amistadnan
akinan. Nos ta un famia aki. Nos ta gusta locual nos ta haci, nos ta gusta
yuda otro y ta pesey ami tambe ta gusta ta na Hyatt.”
E sentimentonan bunita ta locual ta pone cu e asociadonan aki a keda
cu Hyatt p’asina largo tempo y e bond familiar cu nan a crea hunto cu e
compania ta algo di aprecia y reconoce.
Como un mama soltera, sra. Jeanette Wilson a logra di lanta su yiunan,
duna nan un bida cu e tabata kier pa nan.“Ami a imaginami aki pa 25
aña. Mi tabata un mama soltera, y Hyatt a yudami lanta mi yiunan y
hiba nan n’e bida cu nan tin awe. Mi a traha, y biaha cu mi yiunan danki
n’e beneficionan cu Hyatt a dunami.
Financieramente, trahando na Hyatt a yuda ami y mi yiunan”.
Y asina tin mas storia di esnan cu a cuminsa y a imagina nan mes ta
traha cu Hyatt desde un principio. Pero no ta tur tabata asina.
Tin asociadonan cu no a pensa di lo ta celebrando hunto cu Hyatt
Regency Aruba nan 25 aña di aniversario.
Pero danki n’e oportunidad y beneficionan cu Hyatt ta brinda su
empleadonan, a pone cu nan a keda tur e añanan aki.
Sr. Ruben Helder no a pensa cu e lo a keda traha pa 25 aña. Pero
Hyatt su trato y ayudo a pone cu awe sr. Helder tin su propio cas, su
apartemento, pero mas cu esey: “Nunca mi no a spera, pero mi a logra.
Mi a pasa den cosnan prome cu mi a yega aki. Pero mi a logra. Mi ta
gosa mi trabou”.
Asina aki no lo trece mas di con Hyatt Aruba Regency Resort, Spa and
Casino ta reconoce y aprecia di Aruba, su empleadonan y su comunidad.