Page 11 - AM201030

Diabierna, 30 October 2020 AWEMainta 11

Stichting Reclassering en Jeugdbescherming

ta lansa un challenge pa hoben

E aña aki Stichting Reclassering en Jeugdbescherming
Aruba a sera nan “Siman di Reclassering den un forma
inovativo, cu un programa special cu a ‘stream’ via e
Facebook page di Stichting Reclassering Aruba.
E programa a wordo hopi bon ricibi y den menos cu 1
siman ya caba por conta cu mas di 11.000 views caba riba
Facebook.
E organisacion ta invita un y tur cu no a logra wak e
programa aki ainda, pa bishita y ‘Like’ nan Facebook
page. E video completo ta disponibel pa mira na cualkier
ora di dia, cu informacion sumamente interesante y
entretenimento di D Soup.

Durante di e programa special, Stichting Reclassering
Aruba a lansa e TRUE ROLE MODEL CHALLENGE. E
challenge aki ta pa hoben di 13 - 17 aña cu tin talento den
musica y/of presentacion. Pa participa, e hoben mester sigi
e stapnan aki;
1. Download e ritmo instrumental di e cancion ‘A true
role model’ di e artista local y nos Caiso Monarch actual,
Galloway. E link ta riba Facebook page y SoundCloud di
Stichting Reclassering Aruba
2. Scirbi of traha su mesun letranan, spoken word, rap,
poesia, acting script of baile riba e ritmo aki. E mensahe
of presentacion mester ta dedica n’e true role model di e
hoben.
3. Graba un video di nan mes ta presenta e cantica, baile
of actuacion.
4. Post e video riba e Facebook page di Stichting
Reclassering Aruba prome cu dia 6 di november 2020.

Ganadornan di e challenge lo wordo anuncia riba dia 10 di
november 2020 y lo ricibi e siguiente premionan;
Tercer lugar - gift certificate di 100 florin na tienda di keds
faborito; Segundo lugar - gift certificate di 150 florin na
tienda di keda faborito; Prome lugar - wireless Beats by
Dre headphone + grabacion den studio y videoclip cu
Galloway Stichting Reclassering en Jeugdbescherming ta
contento di por a laga Aruba cera conoci cu e trabao cu
nan ta eherce den forma di e programa special “A True
Role Model” y lo sigi busca formanan moderno pa keda
den contacto cu nan clientenan y comunidad en general.
E fundacion ta gradici tur persona y instancia cu di
un of otro forma a contribui n’e produccion di “A True
Role Model” en particular e team di Reclassering mes,
mentornan boluntario y ex-clientenan cu a duna nan
testimonio libremente y e companianan di produccion
envolvi, cual ta Aruba.TV, High Performance Aruba y
Ananse Creative Productions.

Pa mas informacion y demas desaroyo, sigi Stichting
Reclassering Aruba riba Facebook of bishita e website
www.reclasseringaruba.com . Tambe por tuma contacto
via telefon via e number di oficina 582-1496 of via e-mail
na info@reclasseringaruba.com