Page 17 - AWEMAINTA

AWEMainta Diahuebs, 7 September 2017 17

Accidente di trafico cu morto WILLEMSTAD – Diamars, 5 di sep-

tember 2017, alrededor di 19:43 di ano-
chi, Central di Polis a ricibi notificacion di
un accidente di trafico cu a tuma luga riba
Kaminda Hensley Meulens na altura di un
supermarket caminda un pickup a alcansa
un peaton. E unidad policial cu a yega na e
sitio a topa un homber drumi riba caminda
cu no tabata duna siñal di bida.

For di un investigacion preliminar cu Po-
lis a haci n’e sitio a resulta cu un pickup
tabata coriendo rib’e caminda ariba men-
ciona direccion Sta Rosa. Dado momento
na altura di e supermarket un peaton a
parkeer su auto y baha na pia y crusa caya
sin paga tino cu consecuencia cu e pickup a
alcans’e. Dor di e impacto e victima a bay
dal contra di un auto cu tabata coriendo
den direccion contrario riba Kaminda
Hensley Meulens.

E peaton e homber Rodney Luciano Con-
cepcion, naci na Corsou dia 28 di mei,
1955, a ricibi multiple lesion y a fayece
n’e sitio mes. Alrededor di 20:30 dokter
di Polis a constata morto di R.J.C. De-
partamento di Trafico ta continua cu e
investigacion.