Page 17 - MIN.SJA 15 OCT,2015

AWEMainta Diahuebs, 15 Oktober 2015
“E importancia di e garoti
blanco cu strepi cora”
Cu e garoti personanan cu un limitacion di bista E garoti ta un stoki fini color blanco y cu
por sinti nan mes sigur y funciona independiente strepi cora, cu ta wordo usa dor di hen-
19
KISAS abo nunka a mira un hende cana
cune, y ta puntrando bo mes ta kico e ta.
denan cu tin un limitacion di bista, esaki
kiermen cu sea nan no ta mira bon of nan
no ta mira mas.
E garoti aki ta un simbolo internacional cu
a wordo introduci riba15 di october na aña
1964. Tur aña rib›e dia aki FAVI ta celebra
e logronan di e clientenan di FAVI cu tin
un limitacion di bista. Tambe e garoti ta
un medio auxiliar pa concientisa e comuni-
dad, cu e garoti ta necesario pa un persona
cu limitacion di bista.
Cu e garoti personanan cu un limitacion
di bista por sinti nan mes sigur y funciona
independiente.
Muchanan y adultonan di tur edad cu tin
un limitacion di bista por haci uzo di dje.
Ora bo wak un persona ta cana cu e garoti
e chens ta grandi cu e no ta mira bo mes.
Pesey sea atento y hala un banda p›e pasa
of si por brinda asistencia. No lubida di
introduci bo mes prome, cu bo yude.
Na Aruba poco ta clientenan di FAVI cu
ta uza e garoti independiente den nos
comunidad, pero hopi t›e clientenan di
FAVI cu tin nan garoti. Nan ta scoge pa uze
diariamente na cas den propio ambiente,
durante un actividad social, na scol of na
trabao.
Ora nos di FAVI sali den grupo e garotinan
ta move di robes pa drechi sin fin. E ta bira
un bunita atracion p›e wowonan cu si por
mire. E ta nos manera di mustra cu nos
por! Cu e garoti nos no ta cay asina liher,
pasobra e ta alerta nos di obstaculonan
na tempo. Pero e ta un practica di tur dia
y si nos comunidad acepte, mas facil nos
clientenan lo uze.
Den trafico nos ta visibel tambe, e garoti ta
lombra anochi y den dia. E automobilista
atento no lo here di bista. Ora un persona
cu limitacion di bista kier crusa caminda,
e lo para na acera y e lo lanta e garoti pa
duna e automobilista of usuario di caminda
e señal cu e kier crusa y e lo warda te ora
bo para of slow down pa dune un chens pa
crusa. Lo ta hopi bon si e automobilista
por zona un pito suave p›asina e por ta mas
sigur cu ta ok p›e crusa.
Kisas abo conoce un hende cu mester un
garoti pasobra e no ta mira mucho bon,
semper bo por aserce y conte kico bo a lesa
of por tuma contacto cu FAVI na 5825222
of 5825051. FAVI ta situa na primavera
233 den vecindario di Scol Conrado Coro-
nel.