Page 50 - MIN ECEM

Durante e bishita di Evelyn Wever-Croes na Informador, e la indica cu MEP,

como e partido mas grandi den un eventual coalicion cu POR, no por entrega e cartera di

Finanzas, Economia (lesa: Turismo) y Husticia.

Den e mesun declaracion aki, Evelyn Wever-Croes a indica di a cuminsa papia cu POR y

RED den forma informal, pero cu negociacionnan formal lo cuminsa awor cu informador

a wordo apunta door di Gobernador di Aruba.

Den su declaracionnan awe, e lider di MEP un bez mas ta mustra di no ta dispuesto di

sinta na mesa cu AVP pa un Gobierno di base amplio. Es mas, e lider di MEP ta

considera un coalicion di MEP, POR y RED un coalicion di base amplio, pero no ta

descarta un eventual coalicion cu POR so.

Apesar cu e lider ta bisa cu e no tin pura y cu e kier papia di contentido no di e carteranan

cu cada partido lo tin, ta parce cu e ultimo aki ta unda e batata cayente lo

sinta. Informenan cu nos a ricibi ta cu den fin di siman e partido lo a sinta pa delibera cua

politiconan lo bin na remarke pa bira Minister y a cuminsa papia di carteranan. Aki,

Dangui Oduber, como e di 3 votegetter di partido, lo a bandona mesa, na momento cu a

menciona cu POR lo desea di haya e cartera di Turismo. Nos no por a confirma e rumor

aki, sinembargo e declaracion di e lider di partido awe ta indica, cu nan tin cu tene cuenta

cu e sentimentonan di cada politico riba e lista. Otro rumor cu ta insistente ta cu Marisol

Lopez-Tromp lo desea e cartera di Minister Plenipotenciario na Hulanda. E pregunta ta si

MEP lo ta dispuesto di entrega e cartera aki cu normalmente ta bay na e mesun partido cu

tin e Minister Presidente, mirando e influencia cu Conseho di Minister di Reino por tin
riba decisionnan manera finanzas publico, husticia y relacionnan den Reino.

Nos ta consciente cu Evelyn Wever y Marisol Lopez no ta parti un boonchi y tin varios

aña sin papia cu otro ni saluda otro den Parlamento. Esaki despues cu a saca Marisol