Page 83 - KPA 5NOV,2015
P. 83
Hulanda ta duna rijbewijs cu 17 aña
Publication: Thursday, 5 November 2015. Categoria: General
ORANJESTAD (AAN) – E experimento di Hulanda pa laga hobennan di 17 aña saca nan
rijbewijs a resulta den un exito total. Pa e motibo aki e lo wordo introduci definitivamente, esaki
a wordo anuncia dialuna door di Minister Melania Schultz van Haegen di Infrastructura y Medio
Ambiente.
Desde cu a cuminsa cu e experimento na final di 2011, mas cu 100.000 hoben di 17 aña a logra
saca nan rijbewijs. Despues di esey, te cu nan 18 aña, nan tabata coy experencia den maneho di
auto bou guia di un coach. Tur organisacionnan envolvi manera Bovag y CBR a reacciona
positivo riba e experimento.
Automobilistanan hoben ta tuma e maneho bou guia aki hopi na serio y ta haya hopi experiencia
den core auto, segun a wordo splica door di e mandatario despues cu un evaluacion a wordo haci
entre tur esnan envolvi.
E experimento 2toDrive ta dura te cu 31 di october 2017, E periodo pa esnan cu ta cuminsa core,
despues di e fecha aki, ta wordo baha di 7 pa cinco aña, loke tabata normal.
http://www.diario.aw/2015/11/hulanda-ta-duna-rijbewijs-cu-17-ana/
