Page 9 - KPA 5NOV,2015

Nan no tabata tin mas salida y bala por a coy nan curpa: Atracadornan a yama 911: "Nos
queremos entregar"
Wednesday, 04 November 2015 20:31
Comparti

E investigacion ta andando den full swing di parti di autoridad. Atraco Team a base di nan conocimento a
zorg pa e atracadornan aki no tin sali pa ningun caminda riba nos isla y tampoco pafor di nos isla. Pesey
mes cada biaha e situacion a bira mas cayente pa e tres atracadornan aki. Na dado momento nan a sinti cu
nan number ta bai hunga.

Despues cu nan a mira un cantidad di polis moviendo tur rond di nan riba caya na San Nicolas, of tambe
rond di KIA buscando nan paradero, nan a pensa nan mes bon y a cambia di idea. Nan sa cu si nan a haci
un mal movecion bala lo a cay sigur y chens di keda na bida ta riba un hilo. Pesey mes nan a yama 911 cu
ta Centro di Alarma. E trio di Atracadornan Venezolano a expresa: "Nos Queremos Entregar". Nan ta sinti
cu nan no tin chens ni pa tabla corda pa gana e bataya aki contra autoridad local. Te hasta ora cu nan a
sali subi caya a pasa na un auto di un team special di polis cu tabata observandonan. A puntra si nan a bin
buscanan. Djey nan a cana bai un tiki mas panort y asina a keda deteni estilo pelicula. Via lama nan no
por a sali. E contacto cu nan kier a logra pa sali via lama tabata imposibel. 24 ora pa dia e personal di Polis
Maritimo y Kustwacht tabata tin e areanan via lama 100% vigila. Mescos riba caya nan no por a sali
pasobra tur caminda tabata tin control. Via aeropuerto of waf tabata peor ainda. Finalmente nan unico
salida tabata entrega nan mes y esey nan a haci tambe. A yama 911 y expresa cu nan no por mas. Asina
nan a scapa un paranda di sla of chens di haya tiro. Nan no a resisti. Nan prome expresion tabata cu nan
lo copera y no causa nan daño. Asina nan a yega warda bon vigila y escolta pa algun di e teamnan cu a
traha incansablemente riba e caso aki. Ora e yamada a drenta na 911 mesora e mensahe a wordo pasa pa
Polis cu tabaat tey caba oranan prome wardando nan dal un stap riba caya. Apenas algun minuut cu nan a
sali for di nan cueba nan a keda deteni.

http://www.24ora.com/policial-mainmenu-8/101653-nan-no-tabata-tin-mas-salida-y-bala-por-a-coy-
nan-curpa-atracadornan-a-yama-911-qnos-queremos-entregarq