Page 3 - AAA

Diahuebs 31 December 2015 Pagina 19

Merca ta detaya e modus operandi den 43 di pagina

Roberto Rincon a traha su fortuna riba
cartel, corupcion, fraude y soborno

Aki Solo di Pueblo ta
publica un poco di e
documentonan cu a
wordo publica pa Merca,
relaciona cu e caso contra
Roberto RIncon y su socio
Abraham Shiera.

Ambos Venezolano ta
cera na Merca, riba
cargonan di ladronicia di
fondonan di PDVSA. Den
e documentacion di 43
pagina, Husticia Mericano ta relata te de detayes riba
varios prueba cu nan tin contra di Ricon y Shiera.

Ambos a cera cabez, pa asina forma un cartel pa deal
cu PDVSA y via soborno pa nan logra haya masha hopi
miyones, cual nan tabata paga “bribes” na e ofcialnan.

Den punto number 25, e indictment ta bisa: E motibo
pa haci e conspiracion tabata pa tanto Rincon y Shiera
por enrikece nan mes di tal manera cu nan lo haya
contactonan lucrativo di energia, na manera coruptivo
y fraudulento for di PDVSA, incluyendo pagando placa
bao di mesa pa oficialnan di PDVSA.

Esaki Merca a establece via di varios e-mail cu a wordo
inclui den e investigacion.

Den punto number 4, e documentacion ta splica cu
Roberto Rincon ta un residente di Merca cu tin varios
compania establece na Merca. E punto number cuater ta
aclara cu Roberto Rincon como un ciudadano di Merca
, e mester tene su mes na e leynan pa por haci negoshi
na Merca. Tambe e ta mustra pues cu Rincon ta cay bao
di e ley como un “domestic concern”.

Den puntro number 1 di e indictment, ta cuminza pa splica
over e ley Mericano, cu a wordo accepta pa Congreso
Mericano, conoci como “The Froeign Corrupt Practices
Act di 1977”.

Notabel ta cu Mike de Meza ta haya cu Roberto Rincon
ta “amigo di Aruba” y cu De Meza ta haya cu Rincon ta
“un bon hende”! Wel wel! “Dime con quien andas y te
dire quien eres”!