Page 9 - 17apr23

DIALUNA 17 APRIL 2023 DIARIO PAGINA 9
Sabana Blanco tambe a

haya un verkeersplateau

ORANJESTAD (AAN): Recientemente e personal
di DOW Aruba mes a planea, traha, y asina a crea un
verkeersplateau cu ta pasa riba e caminda den Sabana
Blanco.
E verkeersplateau aki lo bay yuda reduci velocidad
di autonan riba e pida caminda aki, y ta yuda tambe pa
chauffeurnan no core duro como cu tin hende cu ta sali
for di e negoshi y e fundacion cu tin eybanda.
Esaki a wordo traha riba e caminda cu ta pasa dilanti
Sabana Blanco 26-C, dilanti ‘Fundacion Cas di mi Che-
pa’, y tambe S.B. Food Market, net cerca di e rotonde di
Watty Vos Boulevard na Wayaca.
Manera por mira riba e potret aki, e verkeersplateau
aki a wordo construi similar cu e ultimonan cu DOW ta
haciendo, esta traha completamente di asfalt.

Docente Stacey a gana 60 mil

Florin cu wega di Zodiac

ORANJESTAD (AAN): Keto bay e wega di mas pop-
ular na Lotto ta e sorteo di Zodiac. Cu djis un number
y signo, bo ta den wega y por gana bon placa. Esey
ta loke e conocido docente y cantante Stacey a haci
tambe.
El a bira feliz cu el a gana cu e numbernan cu el a
cumpra, y pesey mes riba Diabierna siman pasa el a
acudi na oficina di Lotto na Playa pa reclama su pre-
mio.
Aki e funcionarionan a revisa su ticket pa check si el
a pone su firma parti patras, y tambe check si el a pone
su numbernan di banco. Ora di a scan e barcode di e
ticket, e computer a confirma cu Stacey a gana 60.000
Florin cu e wega di Zodiac Merdia.
Mesora a sigui cu e proceso di transferi e premio
electronicamente pa su cuenta di banco. Cu un son-
risa, Stacey a indica cu e ticket ganador el a cumpra na
Mega Jackpot Paradera.