Page 4 - Min.Vos 6 Feb"15

AWEMainta Diabierna, 6 Februari 2015 3

Personal di Hospital ta

MIHOR
prepara pa
calamidad

E TEAM di Dr. Horacio E. Oduber Hospital encarga cu

organisacion di entrenamento y preparacion pa calamidadnan
a celebra seramento di un otro aña exitoso di diferente training
y cursonan hopi importante pa seguridad di e paciente y
trahadonan di e institucion di cuido.
A celebra diferente detaye e atardi aki, e.o. e graduacion di 20
persona cu a completa curso “bedrijfshulpverlening” cu exito,
e reconocimento di e top colaborado nan pa cu e trainingnan
y e top tres trahador di tres departamento en conexion cu nan
participacion durante di cursonan necesario.
Danilo Webb, kende ta un miembro di e team “transportdienst
verpleging”, ta traha na Spoedeisende Hulp ya pa 5 aña caba
y a wordo honra como e empleado nr. 1 p’e team encarga cu e
organisacion di e trainingnan.
Ta p’e di 3 biaha cu Danilo Webb ta ricibi e reconocimento
special aki como HVT-er di Aña for di Milka Schoop, Hefe di
Departamento di Seguridad di Hospital, pa su participacion
activo y disponibilidad pa duna training, pa asisti Schoop den tur
trabao necesario rond di e trainingnan henter aña, y mucho mas.
Danilo Webb a bisa cu e hunto cu otro coleganan ta haci nan best
semper pa t’ey y ta disponibel pa yuda practicamente 24/7.
El a splica cu e semper ta gusta yuda hende y ta haci esaki di
curason; e ta capitan di Search & Rescue Aruba y semper di su
bida a gusta haci trabao pa otro hende y salba bida di hende.
Milka Schoop a agrega cu entre e 20 graduadonan tabatin 9
agente di seguridad, kende no ta traha directamente cu hospital,
pero si ta hunga un rol grandi den e preparacion pa cu maneho
di calamidad.
E otro 11 graduadonan ta empleadonan di hospital mes. Ta trata
aki di un curso di dos dia, cual ta hopi importante pa cualkier
organisacion grandi organisa, segun Schoop.
El a splica cu aunke e agentenan di seguridad no ta den empleo
directo di hospital, nan ta un parti importante di e team y t’ey ora
cu empleadonan ta liber of cu vakantie y ta importante pa nan sa
con pa actual ora un calamidad presenta.
Schoop a bisa cu e empleadonan cu a ricibi reconocimento
como parti di e “top 10” entre tur HVT-er di hospital a destaca
como esnan cu a coopera mas durante di aña 2014, nan tabata
semper dispuesto pa duna training, participa na haci control
y inspeccionnan y a coopera hopi bon cu tur actividad di
“hulpverlening”.
E “top 3” for di e grupo aki tin 3 aña ta sali den e posicion aki y
nan echt merece e reconocimento, el a subraya.
Milka Schoop a splica cu, ademas, pa prome biaha e aña
aki a entrega un reconocimento n’e “top 3” di tres diferente
departamento den hospital pa nan compromiso pa cu e
trainingnan di candela obligatorio.
E reconocimentonan aki ta sirbi como un estimulo pa otro
empleadonan y otro departamentonan sigui cu e trabao di
preparacion y training pa calamidad cu hopi bon energia.