Page 42 - BNDIA ARUBA

10 AWEMainta Diasabra, 12 October 2019

“Di chiquito nos ta educa nos muchanan di FAVI y tambe comunidad”

E Dia Internacional di Garoti di Guia ta 15 di october. Pa varios
aña FAVI ta haci demostracion den nos trafico den luna di oc-

tober. Nos demostracion ta tuma lugar na diferente districto y
bario. FAVI no ta solamente haci demostracion cu adulto, pero

tambe cu miembronan di FAVI entre e edad di 4 te cu 16 aña.
Di chiquito nos ta cuminsa siña nos muchanan con ta uza e garoti

den trafico.

Na aña 2017 pa prome biaha den historia a adapta e verkeerexa-
men pa muchanan di FAVI cu ta den basis school. Esaki ta stap-

nan grandi pa inclusion.

Durante aña maestranan ambulante di FAVI durante nan infor-
macion na diferente scol ta toka e tema di e garoti blanco.

Nos di FAVI di e manera aki ta educa nos muchanan pa nan por
ta conciente. Nos mester menciona cu nos muchanan ta atento y

mayoria bez t’e portavoz importante na nan mayornan. Tur cos
cu nan siña na scol nan ta informa na cas.

E intencion di e garoti di guia ta p’e cliente por orienta y tambe
mobilisa independientemente. Riba e mainta di practica y dem-

ostracion, nos cliente ta haci esaki bou supervision di boluntario
y trahadornan di FAVI. Mas cu claro e ta rekiri hopi atencion di

un cliente p’e por haci esaki. Pasobra e tin cu uza tur su senti-
donan. Ta importante pa laga e cliente experencia e cruzada di

caminda independientemente.

Ora e cliente kier cruza caminda e lo hisa su garoti blanco na
halto, pa duna e señal n’e automobilista pa para.

E lo warda riba e señal di e automobilista p’asina e cruza cu
trankilidad.

Pesey automobilista, si bo mira nos kier cruza corda zona e pito
suave y si por bisa nos cruza numa!.