Page 24 - UTILITIES

mi mes con e situacion ta awendia. Loke mi a descubri ta cu e situacion ta bira pio pero

tin un solucion.

Ta obvio cu e sero di desperdicio a crece barbaramente den e sesenta añanan, awor e ta

mas halto cu un edificio di 7 of 8 piso. Di leu por mira cu e ta sushi, hopi sushi. Mi a bay

na e porta y pidi permiso pa drenta pa saca algun potret di e sero di serca, pero a guardia

a notifica mi cu ta prohibi absolutamente pa saca potret den e tereno. E no por a bisa mi

pakico e prohibicion ta existi. Mi a saca algun potret di afo cu tambe ta mustra e desaster

cu e dump ta. Seis dia pa siman Serlimar ta hiba un promedio di 140 ton di desperdicio pa

dump cada dia. Esaki ta monta na na alrededor di 45,000 ton pa aña. Ademas di esey,

residentenan di nos isla ta hiba tur dia desperdicio di nan hardin of cunuco y hopi

compania di construccion ta hiba cos aya. Naturalmente e sero ta sigui crece y ta mata e

mangelnan rond di dje, e mes mangelnan cu nos ta trata di salba na Pos Chikito y otro

lugarnan di nos costa. Repetidamente e dump ta coy candela y manda huma sushi pa tur e
casnan den becindario y e ta toxicfica e awa cu ta haci cu piscanan no por biba eynan. Si

nada wordo haci, aki na 20 aña e dump ta yega Balashi. E situacion ta tristo y

deprimiente, pero mi investigacion a hiba mi na un posibel solucion: EcoGas. Despues di

papia cu e director di EcoGas, Sr. Ramsey Halabi (yiu di e conocido “Chu” Halabi), un

hoben Inginiero Mecanico gradua di Florida International University, mi a haya un cita

pa bishita e planta. Pareu cu mi a drenta e planta, loke a impacta mi mas cu tur otro cos,

ta e limpieza. Pa EcoGas, limpiesa ta esencial y ta fundeshi di e politica di maneho di e

planta.

EcoGas ta ricibi 100 ton metrico di desperdicio pa dia, dialuna pa diabierna. Diasabra ta

dia di mantencion na tur e ekiponan y pa un limpiesa general di henter e planta. Aunke e

desperdicio ta paden di un edificio, no tin e holo desagradebel manera banda di e dump.