Page 8 - LOTTO

AWEMainta Diahuebs, 3 Augustus 2017 17

Nan ta para pa nan lema: “Train Hard - Fight Smart”

Minister Schwengle a celebra

cu Brazil Taekwondo Stichting

Un total di 4 atleta a regresa Aruba cu medaya for di Korea

RECIENTEMENTE Ministerio di Deporte
hunto cu Fundacion Lotto pa Deporte a or-
ganisa un evento na Kowloon Restaurant dedica
specialmente n’e 4 deportistanan cu reciente-
mente a gana premio durante nan participacion
den campeonato na Korea di Taekwondo. Nan
tabata hunto cu nan famia, unda e mandatario
a regala nan un faha conmemorativo di e pelea
cu nan a participa na dje.

Minister di Salud Publico, Cuido di nos Gran-
dinan y Deporte, dr. Carlos “Alex” Schwengle
a gradici e hobennan pa nan participacion,
disciplina y presentacion, hibando nomber di
Aruba na nivel internaciona.
Presidente di Fundacion Lotto pa Deporte, mr.
Di-Stefano Wernet RA a sigura cu e club di
Brazil Taekwondo Stichting ta un ehempel pa
hopi otro, nan ta pidi subsidio, pero nan mes
ta organisa evento y recauda fondo y ta masha
transparente cu nan cifranan.
Presidente di Aruba Taekwondo Bond, Guaic-
aipuro Jimenez a yama Gobierno y Fundacion
Lotto pa Deporte danki p’e sosten di semper y
p’e evento dedica n’e deportistanan specifico
aki.

E 4 atletanan ta Joshua Klaber (12 aña), Za-
hyon Klaber (16 aña), Jourdé Klaber (18 aña)
y Danon Delamore (12 aña). Ta bon pa bisa
cu na aña 2015 e team a biaha pa Korea cu 8
atleta y a bolbe Aruba cu 8 medaya, partici-
pando n’e World Children Taekwondo Festival
y n’e Chuncheon Korean Open International
Taekwondo Championship.
A funda Aruba Taekwondo Bond desde aña
1980. Awendia tin 10 club activo cu 450
practicante, di cual 200 atleta ta participa den
campeonatonan local.
Anualmente ta participa tambe den campe-
onatonan internacional, manera e “US Open”,
“Copa de Presidentes” na Las Vegas.
Tambe ta participa activamente den e calen-
dario Olimpico. Seleccion lo participa den e
siguiente simannan na weganan hubenil Sur
Americano na Chile.
Lo participa e aña aki tambe den e “Costa Rica
Open”. Aruba ta conta cu dos Grand Master,
den persona di Chaco Cornelio y Marilu de
Veer, ambos cu faha preto cu 7 dan.