Page 4 - AB

14 LOCAL AWEMainta
Miedo y Berguensa di un Mucha – Compronde Ta e Prome Paso
ABUSO sexual di mucha ta un topico profundamente doloroso
y compleho. Locual ta haci’e mas desgarrador ta cu hopi victima
nunca ta papia di dje. No pasobra nan no kier, sino pasobra nan
no ta sinti nan mes sigur pa haci esey.
E silencio generalmente no ta un escogencia consciente, sino un
mecanismo di sobrevivencia. Miedo di castigo, incredulidad, of
perdida di lasonan familiar ta mantene nan boca cera – sigur ora
e agresor ta un hende di nan circulo cercano. Y esey ta hopi biaha
asina: den casi 85% di e casonan, e agresor ta un persona conoci
pa nan.
Un motibo importante pakico muchanan ta keda keto ta
berguensa. Nan generalmente no ta compronde exactamente
kico a sosode, pero nan ta sinti instintivamente cu algo "no ta
corecto." Specialmente si e agresor ta manipulativo – cu declara-
cionnan manera “ningun hende lo kere bo” of “bo tabata kier
esaki tambe, no?” – e victima ta cuminsa sinti su mes culpabel.
Berguensa ta bira un cadena cu ta tene nan preso, un carga silen-
cioso cu ta haci e caminda pa yudansa casi imposibel.
Nan ta pensa cu nan ta esun cu a haci algo robes, mientras cu ta
net nan tin mester di proteccion.
Dependencia y Reaccionnan Inapropia
Ademas, hopi victima ta dependiente di e agresor. E por ta un
Nos Departamento di Caha
tin horario nobo!
Pa nos por brinda nos clientela un miho servicio, nos ta informa cu
entrante Dialuna dia 2 di juni 2025, nos Departamento di Caha lo
ta habri for di 8AM - 4PM.
☎ 5232250 | www.bancodicaribe.com
Dialuna, 2 Juni 2025
mayor, un maestro, un bisiña of un otro cuidador – un hende cu
no solamente tin poder, sino cu tambe ta ofrece siguridad diario.
Pa un mucha, kibra e relacion aki ta sinti como renuncia na sigur-
idad, na cuminda, luga pa biba of amor. Den e contexto ey, keda
keto no ta debilidad, sino un manera pa sobrevivi den un mundo
insigur.
Locual hopi biaha ta bay robes ta e reaccion di e adultonan rond di
e mucha. Cu bon intencion, pero inexperto: preguntanan directo,
reaccionnan di shock of incredulidad por pusha un mucha mas
den e silencio.
Locual muchanan tin mester ta trankilidad, confi-
ansa y sosten incondicional. Maestronan, coachnan
deportivo, profesionalnan di ayudo y mayornan
mester siña con pa reconoce señalnan y por tene
conbersacionnan di forma sigur. No door di pusha pa
un confesion, sino dor di ta presente – cu pasenshi
y sin huzga.
Un Responsabilidad Comparti
Como sociedad, nos tin e responsabilidad di kibra e
silencio aki.
Esaki ta cuminsa cu concientisacion, pero tambe
ta rekeri accion: educacion na scol, personanan di
confiansa accesibel y ayudo rapido y amigabel pa
mucha despues di un notificacion.
Nos mester duna muchanan e señal cu nan bos ta
importante, y cu nan ta sigur pa papia.
Pasobra cada mucha cu ta keda keto, no ta carga
solamente e tristesa di awor, sino tambe e trauma
di mañan. Solamente ora nos realmente siña scucha
– y tambe actua riba esey – nos por kibra e ciclo di
dolor.