Page 23 - WEB

Director di ELMAR suspendi,

July 27, 2018

Awe 26 di Juli 2018, e hunta di comisario di ELMAR a tuma e decision di suspende e director di ELMAR pa
un periodo di trinta (30) dia.

E desicion no tawata uno facil, pero si uno necesario mirando entre otro e diferente kehonan serio di mal
maneho y iregularidadnan den e compañia, e kehonan di ‘secuestro’ cu a wordo haci recientemente na
Landsrecherche y tambe e intrankilidad cu ta existi pa un tempo caba.

Mirando esaki, hunta di comisario a conclui cu un investigacion na e diferente keho y sospechonan ta
necesario. E suspencion lo sirbi tambe como un tipo di ‘koel af periodo’ den cual ta spera di por trece
trankilidad bek na ELMAR y frena e discusion publico negativo tocante e director y tocante ELMAR cu ta
tumando lugar. Hunta di comisario mester a interveni pa asina por cumpli cu su responsabilidad manera duna

door di statuten di ELMAR.

Pa loke ta e investigacion na e director suspendi, esaki lo cuminsa di inmediato y lo mester wordo haci cu

cautela y prudencia. P’esey, y den interes di ELMAR (y e director mes), hunta di comisario lo abstene su mes
di comentario despues di awe y durante henter e proceso di investigacion. E hunta ta pidi comprension pa cu
esaki.

https://arubanative.com/2018/07/27/director-di-elmar-suspendi/