Page 36 - WEB

Otro aña REPSOL ta laga sa si tin

petroleo/gas den subsuelo di Aruba

Posted on 07/26/2018 11:28 am AST | Updated on 07/26/2018 11:30 am AST

ORANJESTAD - E boramento di prueba pa exploracion di gas y petrolio den awa
teritorial di Aruba a conclui sin ningun problema. Asina minister di energia
Evelyn Wever Croes a declara diahuebs mainta durante un conferencia di prensa.
E siguiente fase segun e mandatario, ta cu e compania REPSOL lo tuma un
tempo pa analisa e resultado di e boramento di prueba aki unda cu tin cu dicidi si
tin gas y petrolio den e subsuelo y si esaki ta economicamente viable pa sigui. E
periodo aki lo por dura un aña prome cu e resultado keda conoci. Si dado caso e
resultado mustra no conclusivo, lo tin cu haci un prueba di boramento mas, pero
esey lo sosode e ora dentro di e margen di e aña aki, esta prome cu juni otro aña.

MEDIO AMBIENTE

E mandatario a sigura cu tur cos a bay bon riba aspecto tambe di medio ambiente y cu
no tabatin ningun tipo di daño. No obstante esaki partido RAIZ lo a indica cu si tabatin
daño. Wever a bisa cu lo tin cu warda riba e prueba di esaki cu e partido lo por y mester
presenta pa mira kico enberdad ta e caso. Ora cu nan bin cu contesta, por duna mas
informacion. Esaki ta e prome fase. E siguiente fase ta cu tin gas y ta economicamente
viabel, e ora ta bay den e fase unda cu tin hopi mas bista pa wak con ta actua cu esaki.