Page 91 - MIN ON

Polis investigando si accidente ta intencional durante
campanja den Tarabana

Sunday, 23 July 2017 19:11
1

Comparti

Diadomingo atardi Polisnan mester a bay cu varios unidad den direccion di casnan di Tarabana.
A drenta informacion cu tin un accidente y cosnan ta bayendo of a bay for di man.

Na yegada a topa cu un grupo di simpatizante di MEP cu tabata moviendo den Mandolinstraat.
Un homber den un auto a pasa y parce tabata tin tiramento di palabra. E homber segun esnan
eynan ta simpatiza AVP. Den e tiramento di palabra parce cos a bay for di man. Esnan di MEP y
e homber cu ta simpatiza AVP a tira palabra. Djey e homber cu ta simpatiza AVP a dal cu su
auto riba otro autonan cu tabata den e caya. Testigonan ta bisa cu ta intencional el a comete e
acto aki. Pesey mes Polisnan di Oranjestad y tambe Polis di trafico no a tuma e caso como un
simpel accidente. Mirando cu e ta mustra algo intencional y lo a manda auto riba hende of
propiedad di otro, a bay over na detencion. E detene e homber mesora unda a notifica tambe
recherché di Oranjestad y tambe Cuerpo Tecnico di Polis pa presenta y saca e potretnan di
henter e situacion y danjo causa. Un situacion basta fastioso cu por a wordo evita si ambos a
djis mira otro, respeta color di partido di cada uno y sigui nan caminda sin problema of tira
palabra. E candidato di MEP mes a bisa na e sitio cu tabata lo tabata tiramento di palabra y
esaki no tabata necesario. A base di declaracion di testigonan lo saca afo si realmente e tabata
intencional of realmente e tabata un accidente manera tabata e prome melding. E candidato
mes ta un hende basta rustig y ta campanja cu varios persona di edad hoben pegando su
banderanan den e area unda e ta biba cu ta Dakota y Tarabana.