Page 41 - ARUBA BANK

Autonomia financiero di pais Aruba, lo wordo entrega na Hulanda pa haya placa fia y tur

cos ta indica cu esey ta e rumbo cu Gabinete Wever Croes ta bayendo pa atende cu

presupuesto 2018 pa falta di conocemento y capacidad pa goberna.

Parlamentario di fraccion di AVP, sr Arthur Dowers a mustra cu for di e dianan inicial di

e gobierno di coalicion, tanto Prome Minister Webver Croes como Minister di Finansa

Ruiz-Maduro, a papia cu nan lo no por cumpli cu normanan pa presupuesto 2018 y cu

nan lo bay Hulanda pa trata di haya ayudo pa logra un prestamo cu interes limita.

“Ta mesun politiconan aki den pasado como miembronan di oposicion, a biaha pa
Hulanda cu rapport cu nan mes a traha di cual uno a carga e titulo ei ‘feestvierend ten

onder gaan,’ pa trata di haya sosten di politiconan Hulandes, pa tuma paso contra

Gabinete Mike EmanII.

Na Aruba nan a papia cu gobierno di AVP lo a entrega autonomia financiero na Hulanda,
ora cu a pasa e ley temporal pa CAFT por funciona den un periodo stipula.

Awor ta bisto cu pa falta di conocemento, pa falta di capacidad, y pa falta di nocion di

con pa goberna e pais, ta practicamente acepta tur loke CAFT pone como conseho, cual

medidanan tin cu wordo introduci riba lomba di pueblo.

Ocho aña largo pueblo wordo libra di medida, a wordo alivia di BBO y Gabinete Mike

Eman I y II a percura pa atende mas tanto cu tabata por, cu esunnan di menos entrada.

Awe Gabinete Wever Croes ta a punto di introduci aumento di BBO, aumento di BAZV,

aumento di grondbelasting, aumento di invoerrechten, aumento di loonbelasting, cu lo