Page 37 - AWEMAINTA
P. 37
AWEMainta Diabierna, 7 Juli 2017 37
E team di Train Hard Fight Smart di Brazil Taekwondo Stichting
A logra gana dos oro, un plata y un
brons na Chuncheon Korea Open
DESPUES di a train un siman hunto cu Henk Meijer
na Korea, diahuebs ultimo, e team di Brazil Taekwondo
Stichting a participa n’e Chuncheon Korea Open Inter-
national Taekwondo Championships 2017.
E team tabatin basta tempo ta prepara na Aruba p’e
evento aki y awor por mira nan logro di dos Oro, un Plata
y un Brons.
E atletanan cu a participa na Chuncheon Korea Open
ta Danon Delamore, Joshua Klabér, Zahyon Klabér y
Jourdé Klabér.
Danon Delamore no a yega mas leu cu medaya di Brons.
Joshua Klabér den final a mustra mucho respet pa su con-
trincante for di Uzbekistan y mester a keda satisfecho cu
su medaya di Plata. Záhyon Klabér si no a mustra niun
respet pa su contrincantenan y a logra yega te final y gana
su medaya di Oro dunando bon bataya.
Jourdé Klabér cu niun hende no a spera cu e lo yega te
final, tog a logra di yega te final, esaki tabata un sorpresa
pa tur hende,
Jourdé Klabér a domina tur su peleanan y a logra gana
su medaya di Oro.
Henk Meijer a biaha for di Hulanda pa train y coach e
team di Brazil Taekwondo y a spera hopi mas for di e
team.
Awor cu e campeonato ta tras di lomba e team ta bay
Seoul pa sigui cu training p’asina ta mas fuerte y bon
prepara p’e Pan Americano na Costa Rica, pasobra
Záhyon Klabér a clasifica caba.
Pabien n’e atletanan di Brazil Taekwondo y danki na
Henk Meijer kende semper tey p’e atletanan di Brazil
Taekwondo Stichting, Alex Croes di Giannis Nutrition
Center y e trainer korps di Brazil Taekwondo Stichting.
