Page 42 - ATA

Despues di a sinta na diferente ocasion, tanto directiva di SMAC cu Stichting
Musica nan a yega na acuerdo cu otro, tur loke SMAC a pidi, Stichting Musica a
cumpli cu esaki. Esey a pone cu e aña aki un biaha mas, e partidonan envolvi a

bolbe reuni y a yega na e decision cu Stichitng Musica lo ta organisando Caiso &
Soca Monarch 2018.

Mas aleu, Sra. Henriquez a bisa cu pa Carnaval 64, e lo bira un festival exitoso

mescos cu esun di Carnaval 63. Sigur e festival lo surpasa tur expectativa cu tin
pa cu e festival aki.

Pa e carnaval 63, en berdad, e ta hopi trabao pa directiva di SMAC. Mester tene
na cuenta cu nan ta tuma tur e actividadnan di eleccionnan di Reina, Tumba,

Tumberito y tur e paradanan. Bo mester di tur e manpower y al momento nan
ta conta cu 11 miembro y nan tur ta traha duro pa haci tur e actividadnan aki

posibel. Un evento di Caiso & Soca ta tuma tur su tempo, e ta rekeri inverti hopi
tempo den dje y Stichting Musica tin caba experiencia den organisacion di e tipo

di festivalnan aki, esaki ta pone cu e ta di gran ayudo pa loke ta nan
organisacion pa e parti di loke ta e festival aki, lo cay e ora bou di St. Musica.

Pa loke ta ganashi, SMAC y Stichting Musica semper a yega na acuerdo cu otro
y Sra. Henriquez a bisa cu loke St. Musica a contribui pa loke ta SMAC, esaki ta

bay directamente den nos carnaval. y pa carnaval 64, esaki lo wordo inverti den
loke ta Calypso y Roadmarch, tanto infantil como hubenil. Loke nan a ricibi a

cambio di Stichting Musica ta bay bek den Carnaval, pero pa carnaval 64 e ta
bay specificamente pa Calypso Infantil y Hubenil.