Page 12 - KPA 30 NOV 2015

Intencion ta pa ora tin dalmento di auto, polis no tin nodo di
presenta mas

Publication: Monday, 30 November 2015. Categoria: General

Diego Frankel:

ORANJESTAD (AAN): E comportacion di pago di number ta devastador na Departamento di
Impuesto, sinembargo esaki ta e tool di parti di e Asociacion di Seguro pa garantiza un seguro
paga.
Diego Frankel a sigui splica cu prome cu haya e prueba di seguro, tin cu pag’e. Tin compania cu
eseynan ta haci bon cu e prueba di seguro ta core di 1 di Januari pa 31 di December, dus un aña.
Esey ta algo cu ta den nos mes, E asociacion di seguro tin cu percura pa tur compania ta riba e
mesun liña, tur prueba di seguro tin cu core for di 1 di Januari pa 31 di December.
E ora e persona ta sigura pa resto di e aña. Hopi compania ta haci’e, pero toch tin algun cu no ta
haci’e. Esey por pone cu ta haya e plachi di number y keda sin paga e otro seguro y core parti di
añja sin seguro. Esey ta pasa tambe lastimamente.

Inverti den un sistema di software, manera awo polis ta controla via nan sistema si e number ta
paga of no. Mescos cu polis por controla e number di auto, por controla si e number ey ta sigura.
Frankel a comenta cu gran parti di e companianan di seguro cu ta asocia den e asociacion ta traha
cu Forensys. Ora tin dalmento di auto, ta yama Forensys y nan ta bin wak e auto. Nan ta regla e
daño pa e companianan di seguro. Forensys ta traha cu un software cu ta hopi poderoso, hopi
informacion ta bay aden. E infomacion ey tambe por bay aden. Esey ta masha facil pa por
organisa esey, segun Frankel.

Mester comunica esey ainda mas amplio. Tambe ta e intencion cu ora tin dalmento di auto, ta
Forensys ta bay eynan y ta regla e daño y polis no ta bay ynan mas, ora solamente tin dalmento
di auto cu tin daño material. Ora tin daño fisico, tin cu bay toch of ora tin otro cosnan, Forensys
ta bisa polis pa bin y nan ta bay.