Page 21 - MIN JUS 9 DEC 2015

Schimmel y carpata a podera di Centro di
Husticia na Macuarima, schimmel a infecta
wowo di un señora laborando eynan

Date: December 08, 2015
in: Local
Leave a comment

Nos sa cu KIA ta pesta cu schimmel y cu te hasta un of mas cuidado di preso a bay drumi te den
hospitaal pa e motibo ey. Si algo a wordo haci eynan no ta conoci.
Loke a sorprende nos y laga nos boca habri ta cu Centro di Husticia na Macuarima tin un
epidemia di schimmel y carpata. Informacion nan ricibi for di fuente nan fededigno ta papia di e
edificio completo ! Kiko lo por a causa un epidemia di carpata ta laga nos ta pensa
Un señora cu ta cay bou burger personeel a casi perde un wowo, ora cu schimmel a infecta su
wowo te rementa un ader. E dama aki asina mes ta bin trabou, pero cu e wowo tapa.
E compleho di celnan y kantoor di recherche ta pesta di carpata. Schimmel ta den full e
compleho. Den caso nan asina aki bo lo por haña cu mas hende ta bay bira malo of ya ta malo y
lo meld ziek, bahando e productividad di e trabou.
Kiko lo por ta causando esaki ?
Na prome luga ventilacion of e sistema di ventilacion lo por ta hopi sushi. Otro cosnan cu lo por
ta causando e epidemia di schimmel ta kimico nan cu lo por a wordo usa durante un of otro
construction, tapijt y verf. Esaki nan ta algun research cu nos mes a haci cu lo por ta causando e
epidemia di schimmel. Awor kiko por a causa un epidemia di carpata si ta laga nos keda pensa
un rato.
Si e humedad ta halto den e edificio esaki ta na bentaha di e virus y bacteria nan pa sigi crece y
expande.