Page 13 - RDA

un gobierno riba nan mes y ta tuma decision pa tuma, sin cu e interes general di pueblo ta

wordo sirbi.

Nos por a mira maniobranan cu ta wordo haci, trikinan inventa pa trata di hustifica un

decision incorecto y inhusto contra pueblo, di alargacion di contract di huur despues cu

gobierno di AVP a dicidi di bay cu e departamento di DTI pa un edificio mas adecuado y

mas moderno pa duna miho servicio na comunidad.

Na prome instante a dicidi cu tur oficina di Serlimar cu ta situa na San Nicolas lo muda

bin Pos Chikito sin hustificacion algun ya cu tur oficina actual ta den bon estado y sin

problema algun y ora cu a nota cu e excuus aki a wordo bari for di mesa, a inventa otro

splicacion, cu ta di pone un centro di reciclahe di sushi den e edificio na Pos Chikito ya

cu prome cu a dicidi kico ta bay den e edificio aki, ya e minister di infrastructura a

prolonga e huur di e edificio.

Nos tur por corda con su colega minister di finansa, a bay den conferencia di prensa y

confirma cu e decision a cay y a aproba pa establece na e sitio aki, un centro di reciclahe

cu simplemente ta inaceptabel cu ta pone un proyecto asina den un centro habita.

Pa desvia atencion di e cantidad di protesta cu a surgi pa e idea desastroso aki, e minister

ta bay den conferencia di prensa y ta mustra cu ta prensa a compronde robes, cu ta mal

informacion ta wordo duna y pa trata di hustifica e cuestionamento riba e suma di huur di

e edificio, el a dicidi di inventa un tipo di ‘baratiyo’ di huur señalando cu e huur no ta di

50 mil pa luna pero di 28 mil pa luna, loke ta lanta e duda si a bolbe core cambia e

contract di huur cu a wordo firma algun luna atras caba y cu gobierno ta pagando caba pa

algun tempo.