Page 29 - AWEM 20-Feb-2015

AWEMainta Diabierna, 20 Februari 2015 29

Representantenan
di Airbus cu bishita
oficial na AVA
Airways na Corsou

WILLEMSTAD -- E siman aki dos representante di Airbus

tabata na Còrsou pa un bishita di trabou serca AVA Airways.
Ta trata aki di sres. Gonzalo Ramos Garzon kende t’e Sales
Director pa Latino América y Caribe y tambe Ismael Gomez
Martin kende te Expectra of Behalf of Airbus Marketing
Division.
Nan bishita tabata uno pa follow up di un análisis di ruta cu
Airbus a haci aña pasa di e businessplan di AVA Airways.
Ta trata aki di un tremendo análisis di ruta cu Airbus a haci na
momento cu e compania cuminsá operá y con su futuro lo bay
ta.

Durante di e encuentro cu a tuma lugar, tabata presente
e Chairman di AVA Airways, sr. Olivier Arrindell y tambe
Presidente Hunta Directiva, sr. Giovanni Atalita.
AVA Airways a duna e representantenan di Airbus e último
detayenan relacioná cu e proceso di pèrmit económico cu ya
nan tin 14 luna ta warda.
Sr. Olivier Arrindell a mustra cu e CEO di AVA Airways lo ta un
persona cu vasto experiencia y agresivo den mundo di aviacion
cu conforme e businessplan mester guia e compania na su éxito.
E mesun cos ta conta cu e personal tòp cu lo ta expertonan den
cada área, cu lo mester garantisá éxito di e compania.
Manera ta conocí, conforme e businessplan di AVA Airways, lo
haci uso di e avion Airbus 319/20. Ta trata aki di un avion di
156 asiento cu ta bon p’e rutanan den Caribe y tambe Sao Paulo
cu ta un di e rutanan atractivo di e compania.

Gonzalo Ramos Garzon y Ismael Gomez Martin a duna un
splicacion cu e avionnan aki fácilmente por yega e destinonan
aki for di Còrsou, pero n’e mesun momento a duna un splicacion
di A320 neo (new engine option) cu ta super mas económico na
combustibel.
E reunion entre e dos representantenan di Airbus y tambe e dos
representantenan di AVA Airways tabata uno positivo.
Airbus a bisa cu nan ta pendiente pa AVA Airways por keda cla
cu su pèrmit económico, pa despues pasa p’e siguiente paso
cu ta Acreditacion di e avionnan. Airbus ta cla pa duna tur su
cooperacion.

Mucha mara
na cadena

ASISTENCIA di Polis a wordo pidi diarazon 17.19, na Lee’s

Restaurant, unda un mucha ta mara na cadena na un pilar.
Eynan testigo P., kende ta bisa cu e ta doño di e edificio y ta
drechando un local p’e huur. Ora cu el a bay patras di e edificio,
el a mira un mucha homber mara na cadena y a yama Polis. El a
saca algun foto como prueba. Personal di Voogdijraad y tambe
Alto Inspector Soemers a bin n’e sitio. Cu permit di P., Polis
a bay patras di e edificio, pero no a mira e mucha na cadena.
Polis a papia cu e tata, kende ta bisa cu el a mara e mucha,
como cu nan no tin cura sera pa auto no dale. Voogdijraad a
tuma contacto cu Fiscal di Husticia, kende lo duna ordo pa un
investigacion.