Page 11 - DIMP
P. 11
“Nos ta consciente cu COVID-19 por afecta un colega, cliente y/of partner strategico,
sea ta den e facilidadnan di Departamento di Impuesto of cualkier otrolugar riba nos
isla. Maneho di Departamento di Impuesto ta funda riba prevencion di propagacion di
COVID-19 y ta tuma esaki hopi na serio,” Meverly Romano di DIMP a indica na DIARIO.
Departamento di Impuesto ta sigui e protocol estableci pa Gobierno di Aruba y pro-
activamente a tuma pasonan preventivo, manera manda personanan di risico halto cas
pa keda den cuarentena. Na ningun momento esaki ta implica contraccion of
transmision di e virus en cuestion.
Nan prioridad como Departamento di Impuesto ta ehecuta e leynan di impuesto di nos
pais y tambe como dunado di trabao, cuida semper e bienestar, salud y derecho di
privacidad di cada empleado.
Gerencia di Departamento di Impuesto ta lamenta e alegacionnan falso cu ta
circulando. Esakinan ta genera panico, miedo y desconfianza innecesario entre e
coleganan y e contribuyentenan.
Departamento di Impuesto ta un organizacion vital pa Pais Aruba y ta opera bou e
principionan di confidencialidad, etica y transparencia segun ley di nos pais ta dicta.
Alegacionnan falso no ta worde tolera y lo worde investiga inmediatamente.
https://www.diario.aw/2020/03/mensahe-falso-riba-whatsapp-a-circula-encuanto-cuarentena-na-
dimp/
