Page 26 - WEB OCT 7, 2015

Fayo tecnico den boiler na WEB a causa interupcion di
coriente
Tuesday, 06 October 2015 20:00

Comparti

Diamars durante oranan di atardi, despues di merdia tabata tin un situacion cu toch a hala atencion di
varios hende na Aruba. Tabata ora cu coriente a bay den diferente parti y yamadanan a drenta tur banda.

Sra. Asja Dongen, kende ta vocero di WEB Aruba NV, a splica cu tabata tin un fayo tecnico den un di e
boilernan, esta boiler 5 y segun e procedura mesora e ora ey e ta shut down. E ta bay for di servicio. E ora
e prome prioridad pa WEB ta pa stabilisa e suministro di coriente un biaha mas prome cu bay sigui haci
investigacion di kico e fayo por ta.

Mesora e tecniconan a schakel over riba e turbina di gas y pa asina stabilisa e frecuencia y e presion di e
suministro di coriente. Pa mas of menos 45 minuut a keda sin suministra coriente na Elmar y ora tur cos a
wordo stabilisa caba, a schakel over pa Elmar. Sinembargo, pa e habitantenan of e hendenan den e area cu
a sufri e interupcion a ripara atrobe cu tin coriente, a dura mas cu 45 minuut. Motibo ta cu no por schakel
over den un shot bay 100% di un biaha, pasobra si haci esey, tin chens riba un burn out atrobe. Locual
Elmar tin cu haci e ora ey, poco poco schakel e over y asina ey poco poco cada persona of cada area ta haya
su coriente bek. Esey eigenlijk a sosode awe tardi, segun Dongen.

E ta sigui mustra cu tin un demanda mas halto pa coriente, pero no por bisa cu siguridad cu esey tabata e
causa di e interupcion. Esey ta algo cu awor aki, dus cu a stabilisa e coriente bek, awor aki ta bay wak e ora
kico tabata e causa. Pero cu e tin un influencia riba e calor, e demanda di coriente, sigur ta ripara e
diferencia.

Te ainda no por bisa cu tin daño riba ekipo di WEB. Investigacion cu tin cu wordo haci tin cu duna di
conoce esaki, Dongen a bisa finalmente.