Page 33 - MIN ON

14 AWEMainta Diahuebs, 24 Augustus 2017

Talentonan riba scenario, den abogacia y futbol ta di acuerdo:

Hoben y Talentoso ta bon iniciativa cu mester continua

ARTE, deporte y carera profesional no por ta rumbo-
nan di bida mas diferente di otro; sinembargo Anaïsa,
Abilene y Aaliyah ta tres hende muher cu, na un edad
hoben, ya ta destaca den nan tereno.
Esaki a pone cu comision di Hoben y Talentoso a
scoge pa reconoce nan den edicion di prome lustro.
Esaki no t’e unico similaridad entre nan.
Tur tres ta kere cu e iniciativa di Prome Minister
Mike Eman pa reconoce e talentonan hoben di nos
pais, ta algo masha positivo y cu merece continua.

Pa Anaïsa tabata un momento super special y di hopi
emocion, ora cu el a haya sa cu e ta nomina pa Hoben
y Talentoso.
“E tabata un sorpresa pa mi y mi a keda super super
contento,” el a bisa indicando cu e reconocemento ta
treciendo cune diferente oportunidad nobo.
Pa Orman e proyecto ta reconoce un persona su po-
tencial personal, pero tambe den con e ta motiva of
inspira otro den comunidad.

“Mi ta haya cu nan mester sigui cune paso na Aruba
mi ta wak hopi hende cu hopi talento; hopi hoben
cu ta haciendo cosnan hopi grandi den comunidad.
E ta un manera pa stimula e hobennan pa haci loke
nan ta gusta haci,” e hoben a declara.
Abilene Croes Thijsen, a bira merecedor di e recono-
cemento pa su estudio y desempeño profesional den
e sector di ley y abogacia.

E ta wak su nominacion como un honor y ademas un
estimulo. “Sigur e ta un estimulo y un reconocemento
p’e trabou grandi cu bo ta haci cu bo estudio y pa
yega bo metanan.
Mi ta spera cu e ta un ehempel pa otronan; cu si bo
traha duro bo ta logra bo metanan,” e hoben a bisa.
E ta considera Hoben y Talentoso como un bon
iniciativa.

E hoben futbolista Aaliyah Marie Simon ta comparti e
sentimento aki. P’e tambe e nominacion ta un motibo
grandi di orguyo. Apesar di su edad hoben, e no ta
sinti’e incomodo cu e responsabilidad cu e tin awor
como ehempel pa otro hobennan.
E ta considera cu Prome Minister Mike Eman a haci
algo hopi importante pa tur esnan cu ta selecta.
“Mi ta haya hopi great paso awendia hopi hende
mester wordo reconoci pa nan talentonan,” asina e
hoben futbolista a duna di conoce.

Diadomingo anochi un total di 32 hoben a ricibi un
plakaat di reconocemento pa a destaca den tereno
di deporte, educacion, inovacion, musica, como em-
presario, den arte y tambe p’e proyecto di Formacion
Social, cu tambe, mescos cu Hoben y Talentoso, ta
un iniciativa di Gabinete Mike Eman.