Page 60 - MIN TTC OCT 28, 2015

Comunidad ta vocifera e inseguridad na Aruba cu presencia di grupo di turista
low-class di Venezuela

Publication: Wednesday, 28 October 2015. Categoria: General

Pueblo a cuminsa fada!

ORANJESTAD (AAN): E situacion di
Venezolanonan cu ta yega nos isla cu poco placa riba nan credit card a cuminsa crea panico den
nos mesun habitantenan. Tur caminda ta topa cu nan riba caya of rond di supermercadonan. E no
tabata custumber cu e grupo di hendenan aki ta cana rond di es forma aki y acerca tur hende of
para vigila hende. E ta haciendo nos hendenan hopi insigur.

Tur caminda bo ta mirando e comentarionan di nos hendenan biba na Aruba cu ta sintiendo nan
mes insigur cu presencia di e grupo di hendenan aki. No mester generaliza pasobra tin hopi
Venezolano cu ta bin y ta gasta. Pero netamente e grupo aki ta esnan cu mas ta resalta e
momentonan aki causando un miedo cerca hopi hende.

E forma cu nan ta wakbo ora bo ta cumprando of pagando den cualkier negoshi grandi ta pone
hopi hende haya miedo. Hopi biaha e mesun hende cu bo a mira ta wakbo paden bo ta bolbe tope
pafo comosifuera e ta sigui bo pasonan. Tin cu ta hasta ta tuma e curashi di bin habri
combersacion mientras cu otronan ta keda mira riba distancia den e negoshi.

Clientenan local mas y mas a cuminsa pidi trahadornan of esnan cu ta yena saco pa compañanan
te den nan auto. Un situacion cu nos no tabata conoce comienzo di aña pero cu awor ta
resaltando masha hopi mes. E ta un grupo di turista Venezolano low class cu ta bin cu intencion
di raspa tarheta pero tambe vigila hende. Kizas nan no tin mal intencion pero ta dificil pa confia.

Bo ta sinti bo mes insigur ora bo ta bishita por ehempel Ling and Sons, Price Smart y otro
Supermercadonan grandi. Tin di e supermercadonan aki cu te hasta a pone un liña apart pa e
grupo specifico aki pasobra nan ta tranka tur e servicio na caha cu nan credit card cu mester
wordo revisa bon prome cu bai over na cobra.

Mientrastanto ainda no a tende di un solucion pa e situacion mientras cu mas y mas e
comentarionan negativo y di inseguridad ta wordo expresa tur caminda entre otro riba facebook.

http://www.diario.aw/2015/10/comunidad-ta-vocifera-e-inseguridad-na-aruba-cu-presencia-di-grupo-
di-turista-low-class-di-venezuela/