Page 6 - AweMainta20Feb2016
P. 6
6 AWEMainta Diasabra, 20 Februari 2016
Un dia magico y maraviyoso pa habitantenan di Madiki Kavel
Cancha Deportivo Ovio
Orman a bira un realidad
Otro mision cumpli di Gabinete Eman II
DIARAZON, dia 17 di februari ultimo, a tuma inauguracion
oficial di loke t’e Cancha Deportivo Ovio Orman na Madiki Kavel.
E hecho aki a tuma lugar den presencia di Minister President Mike
Eman, Ministernan Benny Sevinger, di Infrastructura, Arthur
Dowers, di Husticia y Alex Schwengle, di Deporte.
Minister Arthur Dowers a uni su mes n’e festeho grandi aki,
indicando cu e cancha aki sigur lo ta aportando na calidad di
bida den e barionan cu ta contribui na seguridad di e mucha y
habitantenan en general.
Presente tambe n’e cancha tabata yiu di Ovio, sr. Eufracio “Fa”
Orman, kende ta un ferviente deportista y den varios wega di
futbol, a sa di para referee.
Sigur e proyecto aki ta sostene mehoracion di calidad di bida y ta
contribui pa baha crimen na un nivel mucho mas abao, Minister
Arthur Dowers a finalisa.
