Page 16 - DIMP

DIMP ta den un proyecto di digitalisacion caminda cu ta hopi importante pa menciona

esaki, pa e contribuyentenan ta na altura di e cambionan cu a tuma luga caba den 2019 y

loke ta bay bin den 2020.

Dos fase importante di e trayecto di digitalisacion a keda cla. Un fase ta april 2018 y e di

dos fase na november 2019. Aworaki ta cabando cierto cosnan cu tabata tin un retraso

chikito den dje, pa loke ta invordering. Pero e procesonan di impuesto, desde cu un

cliente bin registra su mes, te ora cu e cliente keda sin paga e impuesto, caminda cu por

pone un dwangschrift, betekend dwangschrift, of pone beslag cerca un negoshi of

contribuyente, ta un sistema digitalisa.

A lansa tambe na november un portal digital cu yama BoImpuesto (BoI). Esaki ta un

portal specificamente pa comerciante, caminda cu nan lo por bay haci uzo di e portal aki

pa entrega nan formularionan di impuesto.

A ricibi hopi critica den pasado. Nunca antes bisto di historia di DIMP a digitalisa e

proceso aki y awor aki ta para na e momento den e tempo aki, caminda cu orguyosamente

DIMP ta anuncia cu e portal aki ta live y a wordo uza caba pa varios cliente, cu a entrega

caba nan formulario di impuesto di november y december den nan sistema digital.

E critica cu nan tabata haya ta paramento den rij, buscamento di stempel. Esey no ta algo

mas den e temo cu nos ta biba aden. A pone man na obra y a traha hunto cu e clientenan

riba e portal aki.

Esaki no ta un portal cu DIMP mes a inventa. Ta algo cu a traha hunto cu e
contribuyentenan, cu comerciantenan, cu e sector priva, caminda cu nan tambe por a duna

nan input, kico ta nan deseo pa loke ta e portal, con e lo bay funciona na un manera hopi

mas facil, pa nan por entrega nan formulario.