Page 34 - FDLP
P. 34
Minister Dangui Oduber a ricibi su T-shirt oficial
di prome Aruba KLM Marathon
May 8, 2018
Minister di Turismo, Salubridad Publico y Deporte, Sr. Dangui Oduber a ricibi su t-shirt oficial di e prome
edicion di Aruba KLM Marathon for di Sra. Nanke van Weely di fundacion Run in the Sun como un toke di
aprecio pa e bon cooperacion ricibi di diferente autoridadnan, sponsors y partners.
Dia 3 di juni, 2018, lo tuma lugar e prome edicion di Aruba KLM Marathon. Un Marathon certifica door di Sr.
Wim Jonkman di Association of International Marathons and Distance (AIMS) y International Association of
Athletic Federations (IAAF). E evento aki lo ta bai tin entre 1500 pa 2000 participante di cual un tercer parte ta
bishitantenan di exterior. Esaki sigur ta un bon promocion di nos pais. Mundialmente e interes den participa na
eventonan deportivo a conoce un crecemento. No ta solamente deportistanan internacional e tipo di eventonan
aki ta atrae pero tambe bishitantenan cu kier presencia e evento of ta apoyando nan sernan keri. Esaki sigur ta
aporta na nos Turismo den un manera sumamente positivo.
