Page 21 - AWEMAINTA

Diahuebs, 28 December 2017 AWEMainta 21

Concierge Appreciation
Dinner di Amsterdam
Manor na Tulip Restaurant

DIABIERNA 15 di December ultimo a tuma lugar e

“2017 Concierge Appreciation Dinner”, e cena anual di
Amsterdam Manor Beach Resort. E biaha aki Tulip Res-
taurant tabatin e placer di scoge e invitadonan special
aki y di biaha e gerencia di e restaurant a introduci nan
menu nobo cu lo ser sirbi durante nan ora di Lunch.

Conciergenan di hotelnan high rise y low rise a ser in-
vita y mas di 30 tabata presente durante e cena. Tambe
e team ehecutivo di Amsterdam Manor tabata presente
y a haci uso di e oportunidad festivo aki pa introduci
nan F&B Manager nobo, sr. Gerard Coste.
E menu nobo di Tulip Restaurant, cu ta situa na MVC
Beach Eagle, a ser ricibi cu hopi entusiasmo. Nan tin un
imagen nobo y awor tambe un toke di nos sabor local
cu tayonan típico manera Keshi Yena, Cabrito Stoba,
Aros Moro entre otro.

Management Team di Amsterdam Manor Beach Resort
ta aprecia cu e conciergenan por a tuma un tiki tem-
po for di nan schedule pa atende e cena anual di apre-
ciacion y kier a gradici un biaha mas e apoyo brinda na
nan operacion a lo largo di 2017.
Tambe nan ta extende nan bon deseonan pa un Aña
Nobo yen di prosperidad y nan ta desea di por sigui
traha hunto p’e industria turistico di Aruba y ta spera
di por conta cu e mesun relacion fructifero aki na 2018.