Page 2 - CITGO FLIP 9 SEPTEMBER 2017

AWEMainta Diasabra, 9 September 2017 15

Parlamentario Melvin Tromp
Marisol Lopez Tromp a vota contra refineria y awor kier papia di dje

REALMENTE opositornan politico ya no tin ar-
gumento valido pa hiba contra di Gobierno di AVP y
ta busca pa inventa cosnan cu simplemente ta pone
nan mes para ridiculo.
Parlamentario Melvin Tromp ta referi na declara-
cionnan di e politico cu recientemente a bay den
oposicion y subi su di tres lista politico den tres elec-
cion tras di otro, esta Marisol Lopez Tromp.

“Figurabo, net e miembro di oposicion aki, ta dicidi
di bay duna declaracion bisando cu tin hende ta bay
serca su persona, esta Marisol, pa conta riba trabou-
nan den e refineria y den construccion, mientras cu ta
net Marisol Lopez Tromp, ta un di e miembronan di
Parlamento como miembro di fraccion di AVP, kende
a vota contra di reapertura di e refineria.
Ta kico e politico aki ta trata di haci no ta conoci,
pero ta muestra un biaha mas cu argumento valido a
caba, purbando na crea discordia den pueblo contra
di Gobierno di AVP, mustrando cu el a bay bek p’e
mentalidad cu el a wordo forma den politico, esta e
mentalidad geel di MEP.

Loke si nos ta kere el a haci bon ta di uza e palabra
ficticio ya cu Marisol ta un politico cu por wordo con-
sidera ficticio den arena politico ya cu na momento
cu pa di tres eleccion sigui e ta bay over na sostene
un otro vision politico di tres organisacion diferente,
ta muestra di esaki.
Den eleccion di 2009 Marisol a participa na eleccion
riba e lista geel di MEP y na 2013 el a uni su mes
na e vision berdad di partido AVP y awor pa di tres
eleccion sigui, Marisol a bay uni su mes n’e vision
blau di un partido nobo, mustrando bon cla cu su
participacion den e proceso electoral, no tin nada di
haci cu interes di pueblo, pero cu interes di Marisol.

Scucha e politico aki papia di interes di pueblo,
interes di e clase trahador, mester recorda pueblo
cu e politico aki formando parti di fraccion di AVP
den Parlamento, no a sostene ningun presupuesto di
Gabinete Mike Eman II, presupuestonan den cual
tabatin placa poni pa yuda esnan den mas nece-
sidad, inversionnan pa reconstruccion di scolnan,
recuperacion di e fondonan di pensioen y asina nos
por menciona cantidad di otro punto cu e politico
aki nunca a sostene.

Marisol Lopez Tromp a vota contra di refineria, a
vota contra di recuperacion di e parti importante
aki pa economia di nos pais y awor e mesun politico
aki ta bin dilanti y kier papia di scenario ficticio y
no realistico.
E falta di seriedad aki tambe ta bon conoci den pueblo
di e politico aki caminda ta keda e pregunta riba cual
lista Marisol lo bay eleccion na 2020,” Parlamentario
Melvin Tromp ta declara.