Page 66 - MIN ARENDS

Dialuna anochi e gran militancia di MEP a bin hunto p’asina ricibi un training y fungi como checkers
na e 62 urnanan electoral riba dia di eleccion di 22 di September. E training a wordo duna door di dos
experto di partido riba tereno di proceso electoral y tambe un hurista cu a duna su asistencia pa

contesta tur e preguntanan cu a bin for di sala. Tambe lider y presidente di MEP a hiba palabra e
anochi aki y a duna nan mensahenan sumamente inspirativo y cu hopi motivacion na tur e
checkernan den nan tarea noble di vigila henter e votacion.

Partido MEP a haya ta necesario pa organisa e training di checkers aki, ya cu mester evita cu
principalmente e partido na mando – cu durante e ultimo añanan ta actuando den forma dictatorial –
impone su propio ley y reglanan y haci deshaci riba dia di eleccion, e.o. posibel uzo di violencia,

menasa, cumpramento di voto a base di regalo of promesa of personanan cu deliberadamente ta trata
di vota pa un otro persona haciendo como sifuera cu e ta e persona cu tin e identidad aki.
Siguramente esakinan ta delitonan hopi grave cu tin como consecuencia cu e persona cu comete e

actonan aki por haya castigonan di prison cu ta varia entre 2 pa 4 aña of boetnan hopi pisa.

Ta pesey tur e checkernan di MEP a haya e encargo specifico pa vigila tur esakinan di cerca na e
urnanan electoral y cu si cualkier delito cu wordo comete, cu nan lo raporta esaki di inmediato na e

presidente di e urna y tambe na Cuerpo Policial.

Partido MEP ta para pa integridad y honestidad durante henter e proceso di votacion y lo no permiti
pa fraude ser cometi y cual lo por perhudica nos partido den e eleccion aki.