Page 19 - AWEMAINTA-edicion-1705
P. 19
Diamars 17 di Mai 2022
Un r eto n o bo p a alteta Ellio tt Lo o n s tr a
Un reto nobo pa alteta Elliott Loonstra
Un desafio nobo pa nos para atleta Elliott Loonstra PLY cu a
biaha diabierna pa Manchester Gran Britania pa asina com-
peti den e prestigioso campeonato 2022 European Open
Para Taekwondo.
Esaki lo ta su prome participacion na Europa cu e obhetivo
di adkiri mas experiencia y obtene puntonan pa mantene su
posicion den e top 10 di mundo.
Actualmente Loonstra ta number 8 na mundo y 1er den e
region Para Panamericano. Si e mehora su posicion den e
ranking mundial, el lo logra clasificacion directo pa e 2024
Paris Paralympic Games. Nos kier desea un exito grandi na
Elliott ‘Lefty’ Loonstra PLY y su coach internacional Luciano
Mazzeo. Un agradecimento fuerte y grandi na e pueblo di
Aruba y na famia Loonstra pa nan apoyo continuo e incondi-
cional.
#ParaTaekwondo #ArubaParaTaekwondo #World-
ParaTaekwondo #ArubaParalympic
Di 30 Buelta di Aruba ta bay cuminsa
Riba anochi di 20 di Mei 2022 e di 30 edicion di e Buelta di
Aruba ta bay start. E evenemento di careda, organisa pa Ka-
zerne di Marina Savaneta, ya ta existi desde 1971.
Dos marinier un tempo pasa a reta nan mes pa core ‘solo’ rond
e isla. Desde e momento ey e idea aki a crece bira un even-
emento cu anualmente ta ripiti. E distancia ta 72 kilometer
di largura, locual pa gran parti ta sigui a lo largo di costa di e
isla i ta un di e caredanan di mas pisa y largo den Region Cari-
be. Gobernador di Aruba, Su Excelencia Alfonso Boekhoudt, a
duna e disparo pa salida.
E aña aki ta spera cu lo presenta alrededor di 800 participante
na e punto di salida. Por core e ruta di 72 kilometer como indi-
viduo, como duo of cu un team di careda di relevo. E aña aki un
cantidad record di participante a inscribi pa core e buelta como
individuo. En total tin den esaki 20 homber y muhe. E otro par-
ticipantenan y teamnan ta cuminsa entre 20.00 yi 00.00 or riba
diabierna anochi. Cada minuut un team of duo nobo lo start.
Durante e periodo di Corona, e Buelta di Aruba a continua den
un forma adapta. E aña aki a scoge pa bolbe bek stap pa stap
na e Buelta di Aruba manera mayoria hende conoce. Publico
manera ta custumbra ta mas cu bon bini a lo largo di e ruta pa
encurasha y aplaudi e coredonan. Ademas di esey na cada un
di e postnan di cambio lo por tende musica pa publico y par-
ticipante.
19
