Page 33 - awm11april2017
P. 33
AWEMainta Diamars, 11 April 2017 33
Casi 6000 hende a disfruta
di e di 7 Flip Flop Festival!
RECIENTEMENTE, Aruba tabata den gara di e grandioso
Flip Flop Festival. Pa ser exacto durante tres dia largo.
Cuminsando cu e pre-party den Emotions cu Shermanol-
ogy, sigi pa e evento principal na Bushiri Beach Arena
y clausurando cu e fiesta na pool di Aruba Renaissance
Hotel.
E evento principal riba diasabra a logra di atrae miles di
hende pa disfruta di e. o. Rick Ross, Morgan Heritage,
Konshens y otronan como parti di un e festivalnan riba
beach di mas grandi den Caribe.
Cada un banda y DJ tanto internacional como local
a sa di atrae nan fanaticonan kendenan a disfruta di
bon musica acompaña pa un espectaculo di sonido
y luz unico di Elite Productions & Entertainment.
E localidad mes esta Bushiri Beach Arena a resulta hopi
apto y gusta pa e publico unda cu por a move cu tur
trankilidad den e diferente areanan incluyendo e area di
cuminda, bar, hookah lounge y e area interactivo di CMB.
E banco a introduci nan servicio di E-Amigo via Whatsapp
na e evento.
Por a nota tambe bastante turista internacional cu tabata
presente.
Combersando cu algun di nan por a deduci cu varios a
biaha pa e evento y otronan tabata na Aruba caba. A
topa cu hendenan di Corsou, Boneiro, Sint Maarten,
Merca (Miami y New York), Hulanda y Suecia.
Por mira atras riba un festival hopi exitoso cual a crece
den un evento cu ta tuma lugar durante ful un fin di
siman. Aperas cu miles di hende a atende ta mira cu e
festival tin hopi potencial pa sigui crece tanto local como
internacionalmente.
Hopi ta e peticionan cu a drenta pa cu artistanan cu e
publico lo kier mira den un eventual di 8 edicion otro
aña. Elite Productions lo evalua tur esakinan p’asina mira
kico lo por ta e miho atraccion si dicidi di sigi otro aña.
Di parti di e organisacion un danki grandi ta bay na tur
patronisador, autoridadnan local, empleadonan, musi-
conan, dj’s, y tur otro cu tabata parti di e ekipo di mas di
200 persona cu a traha riba e proyecto di Flip Flop 2017.
