Page 38 - LOTTO
P. 38
edicionnan anterior di e Judo Challenge tabata hopi exitoso caminda e participacion
tabata masal di parti di e scolnan di judo na Aruba.Lo tin combate den e diferente
categorianan manera infantil, cadet, junior y senior. Na Aruba tin varios clubnan di judo,
recientemente dos club nobo di judo a wordo funda y e chens ta grandi cu nan atletanan
lo debuta den e campeonato aki.
Durante di e vacacion escolar, Aruba Judo Bond nan atletanan a participa na un campo di
entrenamento y competencia di nivel halto na Chile y Ecuador unda nan a gana
experencia nobo. Es mas, luna pasa, e atleta di judo, Sophia Petrocchi a marca historia pa
e deporte di Judo ora cu e la logra e medaya di Plata pa Aruba den e Weganan
Suramericano Hubenil na Santiago, Chile. E atleta Petrocchi a enfrenta contrincantenan
prospecto di Suramerica y sa na logra yega e gran final unda e ta cay venci contra di
Brazil. Esaki ta nifica cu nos tin prospecto na Aruba den e deporte aki. Varios di e
atletanan aki lo kier sigui paso di e judoka Jayme Mata cu anja pasa a clasifica pa e
Weganan Olimpico di Rio, Brazil. Ta invita tur fanatico di e deporte di judo pa bin
presencia nos judokanan na compleho di Aruba Jrs diasabra awor pa 5or di atardi.
Un danki sigur na Lotto, e Loteria di Aruba pa medio di Comision di Subsidio cu a yuda
subisdia e Judo Challenge enconexion cu e celebracion di e ASU Olimpiada 2017.
Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes
momento inverti den deporte local pa medio di donacionnan na e Comision di Subsidio.
