Page 4 - AAA

12 AWEMainta Diaranson, 28 Juni 2017

Katherine

Muller-Marin di

UNESCO a bishita

Prome Minister

Mike Eman

DEN oranan di diabierna atardi un delega-
cion di UNESCO a topa cu Prome Minister di
Aruba, Mike Eman, relaciona cu un bishita
di sra. Katherine Muller-Marin, kende ta Di-
rectora di oficina regional di UNESCO pa Ca-
ribe y Latino America.
Durante e bishita e delegacion di UNESCO taba-
ta consisti di sra. Zetsia Ponson, Secretario General,
sr. Luc Alofs, President di e NatCom di Aruba y sr.
Marck Oduber, liaison cientifico di NatCom Aruba.

Durante e reunion a dialoga riba diferente pun-
to cu UNESCO por yuda Aruba cu nan. Durante e
siman di 19 pa 23 di juni 2017 UNESCO a sinta cu
diferente departamento di Gobierno y algun NGO’s.
UNESCO su team dinamico na Aruba, kier haci uso
maximo di UNESCO internacional p’asina Aruba por
saca maximo probecho di tur locual UNESCO mundi-
almente ta ofrece.
UNESCO tin diferente ramo di atencion cu ta in-
clui Enseñansa, Ciencia Natural, Ciencia Social, Cul-
tura, Comunicacion y Informacion.
Un di e metanan principal di nan bishita ta pa tra-
ha riba un plan di termino mediano pa UNESCO
Aruba den cuadro di implementacion di e 17 meta-
nan di desaroyo sostenibel.

Un proyecto grandi cu ta trahando riba cu dife-
rente departamento concerni y cu a hala hopi aten-
cion di Prome Minister t’e proyecto “Multi-Hazard
Early Warning System” pa Aruba unda cu lo bay bin
cu un risico analyse nobo, p.e. pa sismo, unda cu
tambe lo bay analisa y recomenda riba e structuran-
an di importancia, p.e. scolnan, pasobra alumnonan
ta pasa gran parti di dia na scol.
Tambe den e proyecto lo enfoca riba educacion
di riesgo, mitigacion di disaster y reaccion durante
un desaster.

Desaroyo di capacidad p’e departamentonan concerni
pa logra e meta tambe lo wordo inclui. E proyecto aki
lo wordo dirigi pa sr. Marck Oduber como liaison di
ciencia y punto focal di tsunami y IOC/UNESCO.
Pa UNESCO Aruba logra cumpli cu tur su meta-
nan describi den plan di termino mediano, lo bay
busca cooperacion entre diferente comision regional
di UNESCO y Hulanda. Esaki en especial durante e
reunion grandi “39th Session of the General Confer-
ence of UNESCO” na comienso di november na Paris.