Page 50 - HOSPITAAL

Recientemente Dr. Horacio E. Oduber Hospital a firma un acuerdo di cooperacion cu Hospital di
Boneiro, Fundashon Mariadal. E prome intento a cuminsa na aña 2006 y awo orguyosamente por
bisa cu a logra cera e acuerdo e aña aki. Gobierno di Hulanda ta combersando y purbando di cera

acuerdonan cu otro Hospitalnan den region pa por traha mas estrecho cu otro, via canalnan
gubernamental. Door cu tin un diferencia den maneho y un otro bista con un funcionamento di un
Hospital ta hinca den otro, esaki por trece tardansa. Hospital ta spera pa otro siman tambe logra

acuerdo cu institutonan di Corsou.

Sr. Ezzard Cilié, Director di cuido na Dr. Horacio E. Oduber Hospital, a duna di conoce cu Corsou
no por a participa na e momento aki, pero e acuerdo ta existi caba y ta cla pa firma. Despues lo sigui

p’e otro 3 islanan den Reino Hulandes. Tur 6 isla lo determina hunto con lo coopera cu otro riba
tereno medico y specialismo cu cada Hospital por ofrece riba nan isla.

Aruba pa basta tempo tin un acuerdo cu Boneiro y ta ricibi hopi pashent for di nan. Tambe Hospital

di Aruba ta sirbi bastante pashentnan cu ta bini for di Corsou. Ta purba di regla un forma mas
moderno y actualisa den cual cada instancia ta ofrece e servicio di loke e ta miho den dje. Pero ta
haci esaki paralelo cu Gobierno riba nivel di institucionnan medico. “Ta facil pa dicidi riba e tereno

Gubernamental, pero esunnan cu ta ehecuta na final di dia ta nos”, sr. Cilié a duna di conoce.

E acuerdo aki ta nifica hopi pa Hospital y pa Aruba. Sr. Cilié ta splica. Si na Aruba tin 6 ciruhano y
Corsou tin 1 y cada uno tin nan specialismo, pa garantisa cuido riba e tereno ey, lo busca

specialistanan cu ta mas experencia pa laga e tipo di operacion pa nan so. Asina aki casi lo bay tin
cierto intervencion cu Corsou so lo haci of Boneiro, pero e Hospitalnan lo determina entre nan unda
tin e capacidad medico pa yuda otro. Tin cosnan cu Corsou tin y Aruba no, mientras cu Aruba tambe
tin servicionan cu Corsou no tin.

Sr. Giovanni Frans, Hunta di Directiva di Fundashon Mariadal Boneiro, a duna di conoce cu a firma
un acuerdo di cooperacion entre hospitalnan di Aruba y Boneiro y cu Hospital di Corsou. E Hospital

di Corsou, St. Elisabeth Hospital Curaçao (SEHOS), ta den transicion pa bira un Hospital nobo y e
entidad HNO tambe a firma e acuerdo di cooperacion. Asina aki nan ta bay palabra den e periodo
venidero riba areanan di cuido specifico di hospital. E hospitalnan lo bay traha hunto a base di
palabracionnan entre diferente Gobierno y Ministernan di salubridad di e paisnan di Reino.

Tambe lo bay bin un trayecto cu lo envolve Hospitalnan di e islanan ariba, esta Saba, St. Maarten y
St. Eustatius, pa por yega na totalidad di e cooperacion di parti tur Hospital den Caribe Hulandes.