Page 9 - AVB

Tin un proyecto cu a cuminsa desde gobernacion di Mike Eman II, cu a caba di termina

recientemente dia 17 di November. Ta asina cu e proyecto aki tabata un proyecto cu a

cuminsa cu e deseo di e ex prome minister Mike Eman, pa asina den tur area, den tur

bario, por tin un area caminda e hobennan biba den e bario, por uza pa haci deporte.

Esaki ta un di nan. E tempo ey, hunto cu ex minister Benny Sevinger, nan a bay atende cu

FCCA cu tambe a join e proyecto aki pasobra e casnan aki ta di FCCA y finalmente por

informa e comunidad cu diaranson, dia 4 di April, oficialmente den oranan di atardi,
esaki lo wordo anuncia y entrega.

Esaki ta un veld di futbol chikito cu su yerba. Esaki no ta e prome cu a wordo traha. Tin

mas di e veldnan aki. Tur esaki ta proyectonan cu a wordo anuncia. Por a mira un joya di

veld. Veld di yerba artificial marca, golnan, hasta net pa e bala no bay pa caminda of bay

cay p’afo di veld. Sigur sigur un proyecto cu a keda concretisa, danki na e soño y

deseonan cu tabata tin, cu a nace y trabaonan hunto cu FCCA pa finalmente awo por bisa,

cu diaranson, FCCA a anuncia caba cu pa 4’or di atardi, nan lo haci anuncio oficial cu e
proyecto a keda cla. Klinker tur rond, veld di yerba, gol, net, sigur un bunita proyecto cu

e eleva e area aki y e muchanan sigur lo keda masha masha contento cu nan tin un veld
den nan bario, pa asina nan por recrea y haci deporte. Diaranson lo mira ken ta esun cu lo

skop e bala, score e gol na Cura Cabay Zuid, na e casnan di Pueblo.