Page 21 - AM231124

Diabierna, 24 November 2023 AWEMainta COMUNIDAD 21

AVP ta organisa’ Longtable

Thanksgiving Dinner’

E Cena Multicultural pa Duna Danki lo ta un ocasion special

pa reflexiona riba nos balornan comparti di inclusion, respet y
aprecio mutuo. E lo ta un testimonio di e beyesa di e mosaico
multicultural di Aruba y un expresion di gratitud pa e rikesa cu
esaki ta duna na nos bida.
Cu e anochi aki nos lo construi riba e forsa di e diversidad di

nos comunidad y e lasonan cu ta uni nos. E lo ta un momento
pa reflexiona y recarga forsa y compromiso pa traha pa e BON
COMUN di nos isla.

Un yamada di AVP: “Aruba ta nos cas! Uni cu nos den e cele-
bracion di unidad, diversidad y e legado di señora Ma Dora
Palm, mientras cu nos ta sinta hunto na un mesa largo cu ta uni
n Cena Multicultural masha special ta wordo organisa den culturanan y curasonnan, cu lo haci e Dia di Duna Danki aki uno

Ufin di siman di Duna Danki, organisa pa partido AVP, den berdaderamente inolvidabel y importante pa e BON COMUN di
cua nos lo celebra e union di tur e diferente comunidadnan y nos pais Aruba”.
nacionalidadnan cu ta biba na Aruba. E evento lo tuma luga Di-

asabra 25 di november, cuminsando for di 7’or di anochi.

E encuentro cu un cena special aki ta dedica na un matri-
arca memorabel di e bario di Rancho, señora Ma Dora Palm,
cu a enrikece nos patrimonio comparti cu su trabou duro, su

balornan familiar y su lealtad.

Lo bini hunto den Rancho, e bario historico, na un mesa largo

den e henter e largura di Avenida Alo Tromp. E formato ta
inspira pa e longtable dinner di Renaissance Hotel. E lo ta algo
hopi bunita decora, na unda cada stoel lo ta un luga di unidad
y gratitud. E evento aki lo expone e variedad rico di cultura,
sabor y tradicionnan cu lo simbolisa e harmonia cu ta defini

nos isla.

Mientras solo baha riba Rancho, lo comparti storianan, alegria

y un dushi cena prepara cu amor door di chefnan talentoso cu
ta representa e cushinanan di tur e nacionalidadnan cu a yuda
construi nos pais.

Musica y actuacionnan bibo di talentonan multicultural di

Aruba lo yena e aire cu melodianan cu lo resona cu e ambiente
di union. E publico lo gosa di musicanan live di cancionnan di
Padu presenta pa nada menos cu su yiu muhe Vichy Lampe

y Victor Samuel. E homenahe simpel y sincero na señora Ma
Dora Palm lo corda nos con importante e ta pa rindi honor na
esnan cu a duna forma na e legado di nos comunidad.