Page 26 - ATA

Un Grupo Di Persona Cu A Perde Nan Trabao Pa
Motibo Di Simeon Garcia Ta Pidi Minister Richard
Arends No Bay Tras Di PAWA Sin Mas

 Local

 Politica

- 09/07/ 2017

Despues di tuma nota cu algun ehecutivo di PAWA Airlines a haci un bishita na
Gobierno di Aruba, un grupo di ex empleado di Air Aruba kier spierta Minister di
Economia di Aruba, mr. Richard Arends cu PAWA ta di Simeon Garcia kende na 2000 a
laga Air Aruba bay bancarota cu e consecuencia cu 300 tata y mama di famia a perde
trabao.Awor e kier drenta atrobe, cu ta motibo cu e ex empleadonan di Air Aruba kier
pidi Minister Richard Arends a haci su due diligence ariba e hendenan aki. E minister ta
mustra inteligente y como tal ta spera cu Gobierno mester a haci’e prome di duna nan tur
clase di permiso.E ex-empleadonan aki no ta nada contento cu e intencionnan di PAWA,
cu awor ta ofrece pa duna servicio interinsular, esta entre Aruba, Bonaire y Corsou.
Esnan cu a bay Santo Domingo ultimamente por mira cuanto avion di PAWA ta para tur
desarma na Aeropuerto na Santo Domingo, coriendo mesun riesgo cu InselAir.E ex-
empleadonan di Air Aruba no kier tende nada di Simeon Garcia y su grupo, kendenan a
laga sa di kier converti PAWA den e compania aereo di Caribe.Awe e mesun ex–
empleadonan a manda nos copia di un carta cu Aeropuertos Dominicanos (AeroDom) ta
pidi autoridadnan di Republica Dominicano pa haci un evaluacion di solvencia
economico di PAWA pa un debe miyonario cu nan tin y cu nan no tin fin di paga.Un otro
pregunta cu nos a haya ta, pakico ta cu Minister di Asunto Economico, Richard Arends,
ehecutivonan di PAWA a reuni, siendo e Minister responsabel pa cu maneho di aviacion
y di Aeropuerto ta Minister Mike de Meza. Pakico Minister Mike de Meza no ta envolvi
den e asunto aki awor?