Page 10 - MIN JUS

hendenan cu a busca ayudo den nan bario, no tabata tin e posibilidad aki mas”, drs.
Lopez- Tromp a señala.Aworaki cu nos ta den campaña, faltando apenas 80 dia pa bay
urna electoral por mira un cantidad di propaganda bunita, cu diripiente e bario ta bay
tin ayudo y profesionalnan pa yuda.“Mi kiermen, con serio bo por ta? Esaki ta algo cu

bo a kita foi hendenan pa basta aña, siendo cu e ta un necesidad. Un necesidad pa nos
hendenan tin menos problema posible pa yega na un ayudo cu nan tin mester”, e
Parlamentario a subraya.

LEY DI OMBUDSMANDrs. Lopez-Tromp a indica tambe cu el a manda un carta tambe pa
Presidente di Parlamento, sra. Hyatt Ras, unda cu e ta pidi pa mas lihe posible pa trata
e tema di Ombudsman y Kinderombudsman, esta Defensor di Pueblo y Defensor di
Mucha unda cu tin un ley cla den Parlamento cu tur fraccion a traha riba dje, y tin

sosten di henter e Parlamento pa introduci e ley aki, cu drs. Lopez-Tromp mes a lague
cla na Juni-Juli, y falta e reunion publico pa wordo yama, y ta e presidente di
Parlamento por haci esaki, pero por mira cu te dia di awe esaki no a tuma lugar, y ta
hopi lamentable si Aruba como pais ta perde e oportunidad aki, pa por percura pa nos

tin Defensor pa nos Muchanan, y muy en particular pa pueblo. “Su valor ta cu ora bo
como ciudadano ta sinti cu bo a wordo trata inhustamente, of a pasa pa un inhusticia,
of e procedure cu gobierno of ambtenaarnan, of departamento a hiba pa bo caso of
peticion, y muchanan hasta den caso di abuso cu tin un lista di como 700 wardando pa

nan caso wordo trata, cu mi tin entendi cu no ta haya prioridad pa falta di personal, un
kinderombudsman of un ombudsman ta e persona indica unda abo como ciudadano por
bay y na un forma imparcial ta investiga e caso y percura pa yuda bo pa asina bo haya
e derecho di e mundo of e husticia cu bo merece caminda cu esaki no tey door di

gobierno”, drs. Lopez- Tromp a subraya.

El a expresa cu e ta urgi un bez mas e presidente di Staten pa pone riba agenda e
reunion aki, y e ta kere cu ta hopi lamentable si esaki no sosode siendo cu e tin sosten

di Parlamento, mientras cu reunionnan mucho mas complica di wordo yama di anochi
pa mainta y Parlamentarionan ta bin y e ley ta wordo trata y pasa, riba temanan mas
complica y cu kizas merece di mas investigacion, mientras cu e ley di Ombdusman
mester wordo pasa na bienestar di nos comunidad.