Page 61 - MIN JUS

beslag na Aruba, un total di 2,8 miyon euro den cash riba 23 di Juni 2015. E
placa tabata scondi den pakinan di carni di galiña cu tabata hinca den un
container. Ademas a confisca riba e mes dia ey durante huiszoekingnan na

Aruba, Hulanda y Belgica, 1,1 miljoen euro na diferente adres. Na Aruba a tuma
mas di 400.000 euro den beslag durante e huiszoekingnan aki. E

sospechosonan H. y G. a wordo deteni riba 23 di Juni 2015. Autoridadnan
Venezolano a extradita e sospechoso D.S. pa Aruba na April 2016.

Awemainta e sospechosonan a wordo condena pa un castigo di prison di 5 aña
pa labamento di placa (gewoontewitwassen), conforme e exigencia di fiscal

durante tratamiento den Corte riba 23 y 27 di September 2016. Hues a cancela
e suspension di e detencion di e sospechosonan, loke kiermen cu despues cu
nan a caba di skucha nan sentencia, H. y D.S. a wordo hiba mes ora KIA. Corte

tabata di opinión cu considerando cu e sospechosonan a wordo condena pa
castigonan largo di prison, e interesnan di Husticia ta pisa mas cu nan

interesnan individual.
Huez a dicidi cu e placa cu a wordo tuma den beslag cerca nan, lo no bay bek

pa nan y lo cay pa Pais Aruba (verbeurd verklaard).
Pa yega na su decision, Corte a tuma den consideracion cu e sospechosonan a

haci nan mes culpabel pa temponan largo di labamento di placa di miyones y
miyones di euro di Hulanda pa Venezuela via Aruba. E placa aki tabata
probablemente procedente di trafico internacional di droga. Labamento di placa

criminal ta forma un menasa hopi serio pa economia di Aruba y ta atacha tambe
e integridad y transparencia di trafico financiero y economico. E sospechosonan

a haci cu e ganashinan di traficacion di droga riba escala grandi, a wordo tapa
for di bista y a haya un procedencia cu tabata parce legal. Door di loke nan a

haci, a logra cu criminalidad en berdad a duna fruto! Banda di esey nan no a
mustra ningun señal durante e tratamento di e caso den Corte, cu nan lo ta

arepenti di nan actonan reprochabel.

Pero e sospechosonan aki a apela nan sentencia,pa cual dialuna awo e caso lo

wordo trata un biaha mas den Corte di Husticia.