Page 92 - MIN JUS
P. 92
Awo a bin resulta cu e rijbewijsnan cu a wordo emiti desde 2015 bow su responsabilidad
como minister tampoco a wordo traha conforme ley y rekisitonan di seguridad! Como 1500
rijbewijs pa es motibo aki no ta wordo consdera valido pa vota paso e datos capta riba e
rijbewijs no ta cuadra cu e informacion oficial na Censo. Pues atrobe miles di ciudadano ta
wordo afecta dor di e mal maneho di e minister di Husticia actual.
E hecho e rijbewijsnan menciona tin datos robes riba nan ta pone cu e determinashon di
identidad corecto di un persona ta wordo dificulta y e confiansa den rijbewijsnan oficial emiti
dor di pais Aruba ta wordo afecta severamente. E responsabilidad pa traha y emiti
documentonan di identificashon ta algo hopi serio ja cu ta documentonan cu tambe ta
wordo usa internacionalmente y mester cumpli cu rekisitonan di seguridad.
Na Hulanda dos mandatario mester a tuma nan retiro den un caso similar conoci como e
“Paspoortaffaire”. Aki na Aruba so ministernan di AVP ta keda pega barco y e fraccion di
AVP ta keda bati man comosifuera nada no a pasa. Pesey dia 22 di september venidero
Pueblo lo por husga pa su mes e mal maneho di e Gobierno actual y trece un cambio cu e
derecho di voto.
Andin Bikker:“Nos di POR, Plataforma E Forsa Nobo, ta cla pa trece cambio positivo den
Gobernashon di Aruba, cu sosten masal di Pueblo esey Mester POR!”.
