Page 52 - FLIP KPA

PAGINA 32 DIARIO DIALUNA 10 AUGUSTUS 2015

Turista Zach
tabata pata
pata y ta bon
cu guardia a
mir'e pa yud'e

ORANJESTAD (AAN)--
Un turista americano cu
tabata bao di su awa, a causa
hopi problema na altura di
hotelnan. Polis a bay na
Behihana unda un hende a
hiba e homber burachi pa
spera riba polis pafo di e
lugar.
Polis a yega na South Beach
Lounge" y a papia cu un
guardia B cu a declara cu
el a topa cu e turista "Zach
C." cu presuntamente a sali
for di Gusto Night Club" y
tabata cana bay zuid entre e
matanan y yerbanan.
El a ripara cu Zach tabata
burachi y a yude para y bay
cune te dilanti Benihana pa
spera yegada di polis.
Polis a ripara tambe cu Zach
no por a para drechi y tabata
burachi y ademas tabata tin
un herida na su pia drechi.
Riba pregunta di kico a pasa
cu e pia, Zach no tabata tin
splicacion,.
E turista a laga sa cu e ta
keda na Marriott Surf Club
camber 6906 y pa yama su
mama. Mientras cu polis
tabata atende cu Zach, esaki
a dal abao y cuminza saca. E
patruya a dun'e awa pa bebe
y a tuma contacto cu e hotel
pero a haya ningun hende
den camber 6906.
No a dura mucho cu su mama
Janelle C. a presenta cu auto
V2259 y a hiba su yiu hotel.
Polis a pone na altura di un
ke otro. E mama a laga sa cu
e yiu su nomber ta Zachary.

Actividad pa
60-Plussers di
Playa Pabao

ORANJESTAD (AAN):
Comision 60-Plussers Playa
Pabao kier corda y invita tur
miembro pa un actividad cu
lo cuminza dia 19 di Augustus
pa 9’or di mainta.

Un mainta den cual lo
celebra cumpleaño di 12
miembro den un Mainta
Romantico cu Sabor Cubano,
un sorpresa total pa cuminza
cu e siguiente actividadnan di
2015.

Nan ta spera riba tur
miembro pa acudi dia 19 di
Augustus pa 9’or di mainta na
Centro di Bario Playa Pabao.
E lo dura 3 ora.